Mangaan: Namport 'vat geen kortpaaie'
Die semistaatsinstelling sê Tradeport onderneem om by die bepalings van die omgewingsklaringsertifikaat te hou.
Catherine Sasman
Geen stof is vrygestel in die proses om vraghouers met mangaanerts te vervoer nie.
Só sê die land se haweowerheid, Namport, oor die vervoer van die houers wat by die hawe se bergingsgerief gestoor is in reaksie op stof wat wél onder die Lüderitz-gemeenskap hieroor opgeskop is.
Inwoners was woedend oor die eerste besending mangaanerts van Tradeport, 'n maatskappy wat in Suid-Afrika gebaseer is, wat op TransNamib-waens deur die dorp na die hawe vervoer is.
“Ons het dit van die begin af baie goed dopgehou,” het Namport se kommersiële hoof, mnr. Tino !Hanabeb, gesê.
“Tradeport is voornemens om binne die omvang van die omgewingsklaringsertifikaat (ECC), wat aan ons uitgereik is vir die hantering van die mangaan, te bly. Daar is geen bedoeling om kortpaaie te neem of toepaslike reëls en wette te omseil nie,” het hy gesê.
Van die voorwaardes van die ECC wat in Februarie aan die maatskappy uitgereik is, sluit in dat die mangaanerts en alle ander materiaal wat vervoer word, “in 'n bestendige toestand in bedekte vragmotors” moet wees en teen “stofwekkende eienskappe” behandel moet word.
Dit bepaal verder die erts moet by die myne in Suid-Afrika gesif word, met die nodige voginhoud hanteer word en moet altyd bedek wees om te keer dat dit stof langs die vervoerroete veroorsaak.
“Die ECC bepaal ons mag die materiaal in sakke, houers of vragmotors vervoer, dat alle materiaal in toe pakhuise hanteer moet word en dat die vrystelling van stof altyd absoluut minimaal moet wees. Wat ons betref, werk ons binne die vereistes en veroorsaak ons geen stof wat 'n impak op die omliggende omgewing kan hê nie,” het !Hanabeb gesê.
Hy sê alles wat vervoer word, is chemies behandel om die vrystelling van stof te onderdruk, soos die ECC vereis.
Boonop is “klonterige” materiaal reeds gesif.
!Hanabeb sê Namport het begrip vir inwoners se vrese en woede en gebruik derhalwe deksels en seile om die vragwaens te bedek.
Volgens inwoners het omstandighede al stadigaan verbeter en word die meeste waens met seile bedek wat aan elke hoek vasgemaak is, maar soms waai Lüderitz se wind die hoeke los.
Kommer oor visserye
Hoewel nie een van die vismaatskappye op die dorp kommer oor die mangaanhouers in die hawe uitgespreek het nie, het inwoners wat by visserye betrokke is, gesê hulle is oor die moontlikheid van die besoedeling van die hawegebied bekommerd.
'n Beampte van die ministerie van visserye en mariene hulpbronne op die dorp het gesê tot dusver is geen skade opgemerk nie.
Mnr. Michael McKenzie van NovaNam sê sy maatskappy is nie geraak nie omdat die mangaanhouers aan die suidekant van die hawe gestoor word.
Mnr. Kurt Laufer, Marco Fisching se uitvoerende hoof, het ook gesê geen stofwolke is opgemerk nie, maar het terselfdertyd gewaarsku die teenwoordigheid daarvan sal 'n “ramp” wees.
- [email protected]
Geen stof is vrygestel in die proses om vraghouers met mangaanerts te vervoer nie.
Só sê die land se haweowerheid, Namport, oor die vervoer van die houers wat by die hawe se bergingsgerief gestoor is in reaksie op stof wat wél onder die Lüderitz-gemeenskap hieroor opgeskop is.
Inwoners was woedend oor die eerste besending mangaanerts van Tradeport, 'n maatskappy wat in Suid-Afrika gebaseer is, wat op TransNamib-waens deur die dorp na die hawe vervoer is.
“Ons het dit van die begin af baie goed dopgehou,” het Namport se kommersiële hoof, mnr. Tino !Hanabeb, gesê.
“Tradeport is voornemens om binne die omvang van die omgewingsklaringsertifikaat (ECC), wat aan ons uitgereik is vir die hantering van die mangaan, te bly. Daar is geen bedoeling om kortpaaie te neem of toepaslike reëls en wette te omseil nie,” het hy gesê.
Van die voorwaardes van die ECC wat in Februarie aan die maatskappy uitgereik is, sluit in dat die mangaanerts en alle ander materiaal wat vervoer word, “in 'n bestendige toestand in bedekte vragmotors” moet wees en teen “stofwekkende eienskappe” behandel moet word.
Dit bepaal verder die erts moet by die myne in Suid-Afrika gesif word, met die nodige voginhoud hanteer word en moet altyd bedek wees om te keer dat dit stof langs die vervoerroete veroorsaak.
“Die ECC bepaal ons mag die materiaal in sakke, houers of vragmotors vervoer, dat alle materiaal in toe pakhuise hanteer moet word en dat die vrystelling van stof altyd absoluut minimaal moet wees. Wat ons betref, werk ons binne die vereistes en veroorsaak ons geen stof wat 'n impak op die omliggende omgewing kan hê nie,” het !Hanabeb gesê.
Hy sê alles wat vervoer word, is chemies behandel om die vrystelling van stof te onderdruk, soos die ECC vereis.
Boonop is “klonterige” materiaal reeds gesif.
!Hanabeb sê Namport het begrip vir inwoners se vrese en woede en gebruik derhalwe deksels en seile om die vragwaens te bedek.
Volgens inwoners het omstandighede al stadigaan verbeter en word die meeste waens met seile bedek wat aan elke hoek vasgemaak is, maar soms waai Lüderitz se wind die hoeke los.
Kommer oor visserye
Hoewel nie een van die vismaatskappye op die dorp kommer oor die mangaanhouers in die hawe uitgespreek het nie, het inwoners wat by visserye betrokke is, gesê hulle is oor die moontlikheid van die besoedeling van die hawegebied bekommerd.
'n Beampte van die ministerie van visserye en mariene hulpbronne op die dorp het gesê tot dusver is geen skade opgemerk nie.
Mnr. Michael McKenzie van NovaNam sê sy maatskappy is nie geraak nie omdat die mangaanhouers aan die suidekant van die hawe gestoor word.
Mnr. Kurt Laufer, Marco Fisching se uitvoerende hoof, het ook gesê geen stofwolke is opgemerk nie, maar het terselfdertyd gewaarsku die teenwoordigheid daarvan sal 'n “ramp” wees.
- [email protected]
Kommentaar
Republikein
Geen kommentaar is op hierdie artikel gelaat nie