Mandume-herdenking vier eenheid

Kenya Kambowe op Omhedi – Honderde genooide gaste en gemeenskapslede het dié naweek die 100ste herdenking van koning Mandume Ya Ndemufayo se dood by die Oukwanyama-koningshuis op Omhedi, in die Ohangwenastreek, bygewoon.Mandume, koning van die Kwanyamas, is op 6 Februarie 1917 in gevegte met die Suid-Afrikaanse magte dood. Hy was 23 jaar oud en het die troon op 17-jarige ouderdom in 1911 bestyg.Sprekers by die vieringe het sy lof besing en jong Namibiërs aangemoedig om sy dapperheid na te streef.’n Hoogtepunt was om president Hage Geingob, sy voorganger, oudpresident Hifikepunye Pohamba, en die stigterspresident, Sam Nujoma, saam op die verhoog te sien.Leiers van ander tradisionele owerhede in die Namibië, opposisieleiers en talle buitelanders was ook teenwoordig.Daar is benadruk dat dié viering nie as ’n stamgebonde of politieke geleentheid gesien moet word nie. Geingob het ’n borsbeeld van die koning onthul onthul, terwyl ’n boek oor sy lewe en ’n spesiale posseël ook bekend gestel is.Verder was daar kulturele danse en ’n gedig oor die koning is voorgedra.Me. Martha Mwadinombo Kristian Nelumbu, koningin van die Oukwanyama, het in haar toespraak gesê Namibiërs moet voortgaan om vrede en eenheid in die land te versterk.Sy het gesê koning Mandume was nie net teen kolonialisme gekant nie, maar ook teen misdaad en haat. Hy het vrede en eenheid onder sy mense bevorder.Sy sal vandag ’n krans op sy graf by Oihole in Angola lê.In ’n toespraak wat deur mnr. Joseph Asino, sekretaris van die Ondonga tradisionele owerheid namens koning Immanuel Kauluma Elifas, voorsitter van die raad van tradisionele leiers, voorgelees is, is ’n beroep op jong Namibiërs gedoen om koning Mandume se voorbeeld na te streef.Koning Kauluma het die Oukwanyama tradisionele owerheid bedank vir die herdenking van sy lewe.Die president het gesê hy is gelukkig om deel te neem aan die vieringe en dat hy verheug is oor die bywoning van Namibiërs van verskillende etniese agtergronde.“Ons moet onthou daar is niks mee verkeerd om aan ’n spesifieke stam te behoort en daarop trots te wees nie, maar ons moet eng stamgebondheid vermy,” het hy gesê.

Mandume-herdenking vier eenheid

Kommentaar

Republikein 2025-12-17

Meld asseblief aan om kommentaar te lewer

Mandume-herdenking vier eenheid

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.