Mandela-brief kan R1,9 m. haal

Toon sy vurige lojaliteit

30 August 2018 | Afrika
Elma Kloppers - ’n Deernisvolle brief wat oudpres. Nelson Mandela in Oktober 1974 uit sy tronksel op Robbeneiland geskryf het, kan R1,9 miljoen op ’n veiling in Londen haal.

Teen daardie tyd het Mandela (gevangene 466/64) reeds tien jaar van sy lewenslange vonnis uitgedien.

Dié brief, wat tot nog toe nie gepubliseer is nie, is aan Barbara Lamb gerig en daarin betuig Mandela sy meegevoel met die afsterwe van haar pa, Michael Harmel, ’n goeie vriend en mede-anti-apartheidaktivis.

Mandela het Harmel in die 1940’s op ’n vergadering van die Kommunistiese Party ontmoet en oor die jare het die vriendskap gegroei.

Harmel se vrou, Ray, ’n naaldwerkster en ywerige ondersteuner van die anti-apartheidbeweging, het later op versoek van Mandela Winnie Mandela se trourok gemaak. Die bekende foto van die egpaar ná hul troue in 1958 is in die Harmels se huis geneem.

“Toe Mandela die brief geskryf het, het hy reeds tien jaar van erge swaarkry agter die blad gehad met geen vooruitsig op vrylating nie. En tog het hy sy menslikheid, sy sin vir humor en sy hoop vir die toekoms behou,” sê Giles Peppiatt, Bonhams se direkteur vir die Suid-Afrikaans-verkoping.

Hy sê die brief is ’n fassinerende insig in die karakter van ’n man wat nie opgegee het nie. “Dit is vol warmte en persoonlikheid en toon ’n vasberadenheid om by die wyer wêreld betrokke te bly, al is hy fisiek daarvan verwyderd.”

Hy sê dit toon veral sy vurige lojaliteit aan sy vriende.

Die brief sluit af met ’n kenmerkende vermenging van die persoonlike en die filosofiese.

“It has been said that faith is like an oak tree, it grows steadily but, once established, it endures for centuries. My only fortune in life is to have friends who taught me these things, amongst who was your beloved Pa.”

Die brief word op 14 September deur Bonhams in sy Suid-Afrikaanse verkoping in Londen opgeveil. Daar word verwag dat dit tussen £50 000 en £100 000 kan haal. – Netwerk24

Soortgelyk

 

Hepatitis E woed landswyd voort

6 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

6 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

6 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

6 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

6 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

6 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

6 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

6 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

6 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...