Man verkrag stiefdogter (13) glo

Vrou sterf in brand op Karibib

05 September 2018 | Misdaad
Francoise Steynberg - 'n Man (31) wat glo sy 13-jarige stiefdogter verkrag het, is Maandag borgtog in die landdroshof op Rehoboth geweier.

Volgens die Namibiese polisie se misdaadverslag het die voorval Vrydag omstreeks 21:30 in Blok E plaasgevind toe die meisie se ma nie by die huis was nie.

Die stiefpa (sy naam word weerhou om die meisie se identiteit te beskerm) het Maandag vlugtig in die Rehoboth-landdroshof voor landdros Andre Matulich verskyn. Die beskuldigde is borgtog geweier en sou gister om regshulp aansoek doen.

Die beskuldigde het sy stiefdogter na bewering verkrag en gedreig om haar te verwurg en dood te maak, berig Nampa.

Hy het glo aan die slaap geraak en die slagoffer kon daarin slaag om na haar tannie te vlug wat die saak aan die polisie rapporteer het.

Die beskuldigde is borgtog geweier op grond van die ernstige aard van die saak en dat dit nie in openbare belang is nie. Die polisieondersoek is ook in ‘n vroeë stadium.

Aanklaer Zibiho Hillia Munzenze het vir die staat verskyn.

'n Dertigjarige man het glo Saterdag omstreeks 06:00 op Plot 313 Arian naby Aroab in die ||Kharasstreek 'n 27-jarige vrou verkrag.

"Die twee het glo saam gedrink. Die verdagte is in hegtenis geneem en die polisieondersoek duur voort," lui die misdaadverslag.

BRAND

Me. Josephine Beukes (47) het Sondag tussen 03:40 en 04:00 in die Harambee-nedersetting op Karibib 'n vlammedood gesterf nadat 'n brand in haar sinkhuis ontstaan het.

"'n Brandende kers het die brand vermoedelik veroorsaak," lui die misdaadverslag.

"Haar naasbestaandes is van haar dood ingelig en die polisieondersoek duur voort."

MOORDE

Vyf mense is die naweek vermoor.

Mnr. Benjamin Urion (40) het Sondag aan sy beserings in die Katutura-staatshospitaal beswyk nadat hy glo Saterdag tussen 21:00 en 22:00 op die plaas Kransneus naby Groot Aub deur ’n groep mans geskop en geslaan is.

"Een 21-jarige manlike verdagte is in hegtenis geneem, maar sy medepligtiges is nog op vrye voet," lui die misdaadverslag.

'n Vrou, me. Losina Niho (29), is ook een van die vyf moordslagoffers. Sy het Sondag omstreeks 21:45 by 'n huis in Oshakatistraat in die Havana-buurt in Wanaheda aan 'n meswond beswyk.

Die verdagte, 'n 47-jarige man, het volgens die verslag homself aan die polisie oorgegee.



Die 17-jarige Epson Eibeb het Sondag omstreeks 22:20 by 'n huis in Omulungastraat in die Hakahana-buurt in Wanaheda gesterf nadat hy en ’n man, wat hom glo met 'n mes gesteek het, glo in 'n bakleiery was. Die verdagte word steeds deur die polisie gesoek.

Sondag omstreeks 03:00 op die plaas Otjomukona in die Aminuis-gebied in die Omahekestreek het mnr. Kahepako Tjiuieza (21) op die toneel gesterf nadat hy glo deur ’n 20-jarige man met 'n spies in sy bors gesteek is.

"Hulle het glo 'n argument oor 'n selfoon gehad wat Tjiueza glo aan die verdagte gegee het. Die verdagte is in hegtenis geneem," lui die verslag.

Op Rehoboth is 'n 25-jarige man in hegtenis geneem nadat mnr. Paul Afrikaaner (34) Saterdag omstreeks 09:50 in Blok E glo met 'n Okapi-mes in die nek gesteek is.



ONGELUKKE

Twee mans het in twee afsonderlike motorongelukke Saterdag in die Khomasstreek gesterf.

Mnr. Charles Muondo (49) het omstreeks 20:30 op die ou dienspad in Okahandja Park in Wanaheda in 'n trompop botsing tussen 'n bakkie en 'n sedan gesterf. Die bestuurder van die sedan is volgens die polisie beseer.

Die ander ongeluk het ook Saterdag omstreeks 20:30 op die pad tussen Windhoek en die Internasionale Lughawe Hosea Kutako, sowat 3 km wes van die Kapps Farm-padblokkade, gebeur.

Mnr. Mojenda Stephanus (61) is deur 'n bakkie raakgery en het op die toneel gesterf.

Twee jong mans van 20 en 24 jaar oud is Saterdag omstreeks 19:00 op Khorixas in hegtenis geneem nadat hulle glo met twee sakkies dagga en vyf Mandrax-tablette in hul besit betrap is.

Soortgelyk

 

Honderde miljoene vir veevoer nodig

21 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

21 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

21 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

21 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

21 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

21 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

21 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

21 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

21 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...