Man verkrag glo 12-jarige

Die naweek is vier verkragtings by die Namibiese polisie aangemeld, waarvan die jongste slagoffer 12 jaar oud is. Die meisie is volgens die Namibiese polisie se misdaadverslag Saterdag omstreeks 23:00 glo by 'n huis in Oshetu in die Nau-aib-woonbuurt op Okahandja deur 'n 23-jarige man verkrag. Die voorval is deur die slagoffer se voog aangemeld en die verdagte is in hegtenis geneem.Ná 'n 18-jarige meisie glo Saterdag saam met haar vriende gedrink het, is sy na bewering tussen 02:00 en 05:00 by die Nunal-woonstelle op Mariental verkrag. “Die 19-jarige verdagte het die meisie glo na die badkamer geneem, haar klere uitgetrek en haar verkrag,” lui die verslag. Die verdagte is in hegtenis geneem en die ondersoek duur voort. Op Hentiesbaai is 'n 30-jarige vrou Vrydagaand tussen 22:00 en 22:30 in Libertine Amadhilastraat naby die sportstadion glo deur 'n man agtervolg toe sy alleen van die dorp af huis toe geloop het. “Hy het haar glo met 'n mes gedreig om saam met hom na die stadion te gaan en haar verkrag,” lui die verslag. Die 32-jarige verdagte is in hegtenis geneem en die ondersoek duur voort. Op Karibib beweer 'n 25-jarige vrou haar kêrel het haar Sondag verkrag terwyl sy geslaap het. “Ná hy toilet toe was, het hy haar glo verkrag terwyl sy geslaap het. Daarna het hy op die vlug geslaan,” sê die polisie. Die verdagte is nog nie in hegtenis geneem nie en die ondersoek duur voort.

Man verkrag glo 12-jarige

Kommentaar

Republikein 2025-06-17

Meld asseblief aan om kommentaar te lewer

Man verkrag glo 12-jarige

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie