Man verdrink by Mole

Jessica Botes op Swakopmund - 'n Man van Mondesa het Sondagmiddag by die Mole op Swakopmund verdrink. Volgens hoofinsp. Erastus Iikuyu van die Namibiese polisie in die Erongostreek, het die slagoffer, mnr. David Thomas (28), saam met sy broer en vriende geswem toe die voorval gebeur het. Thomas het na bewering op die rotse noord van die Mole geloop waar hy te diep in die water ingegaan en verdrink het. Aanvanklik het Thomas se broer probeer om hom te red, maar hy moes later strand toe swem om hulp te soek. Reddingswerkers was omstreeks 15:50 op die toneel. 'n Skare het vinnig saamgedrom. Volgens die West Coast Safety Initiative het die Seereddingsinstituut van Namibië (SRIN) 'n soek- en reddingsoperasie van stapel gestuur. Die operasie is afgeskaal na 'n soek- en opsporingsoperasie en SRIN-duikers is ingeroep om die liggaam te soek. Dit was onsuksesvol weens die gety en swak sigbaarheid. Die operasie is aan die Namibiese polisie oorhandig.Mnr. Adri Goosen, brandweerhoof van Swakopmund, het gister gesê die soektog na Thomas se liggaam sal vandag weer hervat. “Reddingswerkers sal die strandgebied noord van Myl 4 fynkam. Lede van die publiek loop gewoonlik op die strande suid van dié gebied,” het Goosen gesê.

Man verdrink by Mole

Kommentaar

Republikein 2025-12-19

Meld asseblief aan om kommentaar te lewer

Man verdrink by Mole

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.