Man vas vir moord buite kroeg
Misdaad
Die Namibiese polisie op Oshakati het ’n 20-jarige man in hegtenis geneem in verband met die moord op ’n 43-jarige man in die informele nedersetting Okandjengedi.
In gister se misdaadverslag het inspekteur Thomas Aiyambo gesê die bweerde voorval het Maandag omstreeks 21:45 buite die Totyava-kroeg gebeur, ná ’n stryery tussen die oorledene en die verdagte oor ’n onbekende meningsverskil.
“Die verdagte het na bewering ’n skerp voorwerp gebruik om die ander man een keer in sy regterbobeen te steek,” het die polisiewoordoerder gesê.
Omstanders het die oorledene glo in ’n poel bloed aangetref, met ’n mes langs hom.
Die verdagte se identiteit is nie bekendgemaak nie, in afwagting op sy eerste hofverskyning. Die polisie het ook nie die oorledene se naam vermeld nie, omdat sy naasbestaandes nog nie in kennis gestel is nie.
– Nampa
In gister se misdaadverslag het inspekteur Thomas Aiyambo gesê die bweerde voorval het Maandag omstreeks 21:45 buite die Totyava-kroeg gebeur, ná ’n stryery tussen die oorledene en die verdagte oor ’n onbekende meningsverskil.
“Die verdagte het na bewering ’n skerp voorwerp gebruik om die ander man een keer in sy regterbobeen te steek,” het die polisiewoordoerder gesê.
Omstanders het die oorledene glo in ’n poel bloed aangetref, met ’n mes langs hom.
Die verdagte se identiteit is nie bekendgemaak nie, in afwagting op sy eerste hofverskyning. Die polisie het ook nie die oorledene se naam vermeld nie, omdat sy naasbestaandes nog nie in kennis gestel is nie.
– Nampa
Kommentaar
Republikein
Geen kommentaar is op hierdie artikel gelaat nie