Man vas oor geweld in VSA
'n Wit verregse groep het in Charlottesville teen die verwydering van 'n standbeeld betoog.
'n Twintigjarige man van Ohio is Sondag in hegtenis geneem nadat hy na bewering in Charlottesville, Virginia, met 'n motor in 'n groep betogers vasgejaag het. 'n Vrou (32) is dood en 19 mense is beseer. Die polisie probeer nog die oorledene se familie opspoor voordat haar identiteit bekend gemaak kan word.
In 'n afsonderlike voorval het twee polisiebeamptes gesterf toe 'n helikopter in bosse neergestort het waarmee die polisie die betoging gemonitor het.
Kol. Martin Kumer, superintendent van die Albemarle-Charlottesville-gevangenis, het aan The Guardian gesê James Fields, die bestuurder van die Dodge Challenger wat in Ohio geregistreer is, is in hegtenis geneem nadat hy na bewering tussen die betogers ingejaag het. 'n Wit verregse groep het ook in Charlottesville teen die verwydering van 'n standbeeld van genl. Robert E. Lee betoog en die twee groepe was Saterdag gereeld slaags.
Fields is in hegtenis geneem op 'n aanklag van moord en drie aanklagte van poging tot moord. Hy word ook daarvan aangekla dat hy versuim het om by 'n ongelukstoneel stil te hou, het Kumer gesê.
'n FBI-beampte het gesê 'n saak van die skending van menseregte word ook ondersoek.
Die polisie het in 'n verklaring gesê die helikoptervlieënier, lt. H. Jay Cullen (48) van Midlothian, Virginia, en sy medevlieënier, Berke Bates van Quintin, Virginia, is op slag dood.
Pres. Donald Trump het die aanval op die betogers veroordeel.
Ooggetuies het gesê die mense wat deur die Dodge Challenger getref is, was besig met 'n vreedsame protes teen die verregses.
Pat Jarrett, 'n fotograaf, het gesê: “Mense het deur die lug getrek. Hulle was beangs en het geskreeu. Diegene naaste aan die voorval het dit as 'n opsetlike en gewelddadige aanval bestempel.”
Terry McAuliffe, Virginia se goewerneur, wat vroeër 'n noodtoestand in dié deelstaat afgekondig het, het aan die ver-regses gesê: “Gaan huis toe . . . skaam julle.”
- Netwerk24
In 'n afsonderlike voorval het twee polisiebeamptes gesterf toe 'n helikopter in bosse neergestort het waarmee die polisie die betoging gemonitor het.
Kol. Martin Kumer, superintendent van die Albemarle-Charlottesville-gevangenis, het aan The Guardian gesê James Fields, die bestuurder van die Dodge Challenger wat in Ohio geregistreer is, is in hegtenis geneem nadat hy na bewering tussen die betogers ingejaag het. 'n Wit verregse groep het ook in Charlottesville teen die verwydering van 'n standbeeld van genl. Robert E. Lee betoog en die twee groepe was Saterdag gereeld slaags.
Fields is in hegtenis geneem op 'n aanklag van moord en drie aanklagte van poging tot moord. Hy word ook daarvan aangekla dat hy versuim het om by 'n ongelukstoneel stil te hou, het Kumer gesê.
'n FBI-beampte het gesê 'n saak van die skending van menseregte word ook ondersoek.
Die polisie het in 'n verklaring gesê die helikoptervlieënier, lt. H. Jay Cullen (48) van Midlothian, Virginia, en sy medevlieënier, Berke Bates van Quintin, Virginia, is op slag dood.
Pres. Donald Trump het die aanval op die betogers veroordeel.
Ooggetuies het gesê die mense wat deur die Dodge Challenger getref is, was besig met 'n vreedsame protes teen die verregses.
Pat Jarrett, 'n fotograaf, het gesê: “Mense het deur die lug getrek. Hulle was beangs en het geskreeu. Diegene naaste aan die voorval het dit as 'n opsetlike en gewelddadige aanval bestempel.”
Terry McAuliffe, Virginia se goewerneur, wat vroeër 'n noodtoestand in dié deelstaat afgekondig het, het aan die ver-regses gesê: “Gaan huis toe . . . skaam julle.”
- Netwerk24
Kommentaar
Republikein
Geen kommentaar is op hierdie artikel gelaat nie