Man sterf ná vloedwater hom, kwadfiets meesleur
Suid-Afrika
Hannes Kruger - ’n Man is Maandagmiddag suid van Johannesburg dood nadat hy en sy vierwielmotorfiets deur vloedwater meegesleur is.
Paramedici van ER24 het omstreeks 14:20 by die oorstroomde laagwaterbrug in Eisenhowerstraat in Kliprivier aangekom en slegs die kwadfiets in die water sien lê. Daar was geen teken van die bestuurder nie.
Volgens Russel Meiring, ER24-woordvoerder, is reddingswerkers ontbied om na die man te help soek.
“Ná ’n paar uur is die liggaam van ’n man in sy vyftigerjare ver af in die rivier gevind.”
Meiring sê die man het veelvuldige beserings opgedoen en hy is op die toneel dood verklaar.
Die slagoffer het glo die laagwaterbrug met sy kwadfiets probeer oorsteek toe hy deur die vloedwater meegesleur is.
Beamptes van plaaslike owerhede was ook op die toneel om die saak te ondersoek.
-Netwerk24
Hannes Kruger - ’n Man is Maandagmiddag suid van Johannesburg dood nadat hy en sy vierwielmotorfiets deur vloedwater meegesleur is.
Paramedici van ER24 het omstreeks 14:20 by die oorstroomde laagwaterbrug in Eisenhowerstraat in Kliprivier aangekom en slegs die kwadfiets in die water sien lê. Daar was geen teken van die bestuurder nie.
Volgens Russel Meiring, ER24-woordvoerder, is reddingswerkers ontbied om na die man te help soek.
“Ná ’n paar uur is die liggaam van ’n man in sy vyftigerjare ver af in die rivier gevind.”
Meiring sê die man het veelvuldige beserings opgedoen en hy is op die toneel dood verklaar.
Die slagoffer het glo die laagwaterbrug met sy kwadfiets probeer oorsteek toe hy deur die vloedwater meegesleur is.
Beamptes van plaaslike owerhede was ook op die toneel om die saak te ondersoek.
-Netwerk24
Kommentaar
Republikein
Geen kommentaar is op hierdie artikel gelaat nie