Man pleeg selfmoord ná ongeluk

Francoise Steynberg'n Man wat selfmoord gepleeg het nadat sy passasier in 'n ongeluk beseer is, asook 'n vermeende dronkbestuurder wat met sy voertuig in 'n vulstasiewinkel ingeploeg het, is van die ongelukke wat die naweek plaasgevind het. Mnr. Philip Rooinasie (43) was Saterdag omstreeks 12:00 op die Trans-Kalahari-grondpad in 'n ongeluk betrokke waarna hy selfmoord gepleeg het. Volgens die Namibiese polisie (Nampol) se misdaadverslag het Rooinasie beheer oor sy voertuig verloor, dit het omgeslaan en sy passasier het beserings opgedoen. Rooinasie het daarna homself met 'n petrolpyp aan 'n boom opgehang.“Die voertuig was nie padwaardig nie en Rooinasie het nie 'n rybewys gehad nie,” sê die polisie. Die polisieondersoek duur voort. 'n Trompop botsing tussen 'n vragmotor en 'n bakkie Vrydag omstreeks 07:00 op die B1-hoofpad sowat 51 km vanaf Otjiwarongo op pad na Okahandja het die lewe van twee mense geëis.“Die vragmotorbestuurder (38) is ongedeerd, maar die bestuurder en passasier van die bakkie is op die toneel oorlede,” lui die verslag. Hul naasbestaandes is nog nie van hul dood ingelig nie en die ondersoek duur voort. Op Oshikuku is 'n saak van roekelose bestuur Saterdag aangemeld toe 'n bestuurder van die ongelukstoneel gevlug het. Die ongeluk het omstreeks 20:45 op by 'n Engen-vulstasie op die hoofpad tussen Oshikuku en Oshakati gebeur toe twee aankomende voertuie gebots het. “Die een bestuurder en passasier is met beserings in die Oshikuku-staatshospitaal opgeneem. Die ander bestuurder het van die toneel gevlug en sy besonderhede is onbekend,” lui die verslag. Die ondersoek duur voort.BEWEERDE DRONKBESTUUROp sosiale media het dit Sondag gegons toe 'n video versprei is van 'n sedan wat die middag in die Shell-vulstasiewinkel op Otjiwarongo ingebars het en twee mense beseer het.Die bestuurder (20) is vir dronkbestuur in hegtenis geneem, het die woordvoerder van Nampol in die Otjozondjupastreek, ao. Maureen Mbeha, gesê. “Die verdagte het nie in die parkeerarea gestop nie, in die winkel ingery en 'n petroljoggie en 'n kliënt in die proses beseer. 'n Deel van die glasvoordeur is ook verpletter,” het Mbeha gesê.Die beseerdes is in die Otjiwarongo-staatshospitaal opgeneem en verkeer in 'n stabiele toestand. Die bestuurder en sy manlike passasier is ongedeerd. “Die verdagte het volgens die polisie se asemtoets 0,74 mg alkohol in sy liggaam gehad, wat ver bo die toegelate alkoholvlak van 0,37 mg is,” het Mbeha gesê.Hy sal na verwagting vandeesweek in die Otjiwarongo-landdroshof op klagte van dronkbestuur en roekelose en nalatige bestuur verskyn.

Man pleeg selfmoord ná ongeluk

Kommentaar

Republikein 2025-05-14

Meld asseblief aan om kommentaar te lewer

Man pleeg selfmoord ná ongeluk

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie