Man eis ná omroeper sê hy is ontvoerder

Henriette Lamprecht’n Man wat op ’n nasionale radiostasie daarvan beskuldig is dat hy glo seuns ontvoer en in sy huis aanhou, eis duisende vir laster asook ’n openbare verskoning. Volgens hofstukke is mnr. Josia Junias Ihuhwa op ’n uitsending van die Otjiherero-radiostasie, beter bekend as Omurari FM, op 17 November 2017 daarvan beskuldig dat hy kinders, veral seuns ontvoer en waaronder ’n sewejarige seun wat glo sy vensters met klippe stukkend gegooi het. Die opmerkings op die radiostasie is voor Ihuhwa se huis en in die teenwoordigheid van ’n groot groep inwoners gemaak wat hier vergader het. Na bewering is ook gesê die gemeenskap het hul kinders op dié manier verloor. Daar is glo gesê sy huis is op so ’n manier gebou dat dit wil voorkom asof daar “vreemde dinge” binne gebeur, die grensmuur lank en hoog is en niks in die erf is sigbaar buiten die huis se dak nie.Volgens hofstukke het die uitsending na bewering veroorsaak dat die omstanders aggressief en gewelddadig geraak het en verskeie mense het Ihuhwa se huis met klippe bestook wat beduidende strukturele skade veroorsaak het.Ihuhwa sê die inhoud van die uitsending en die konteks in die teenwoordigheid van die gemeenskap as geheel, was “verkeerd en lasterlik”. Die omstanders en luisteraars het die uitsending geïnterpreteer dat hy ’n kinderontvoerder is, verantwoordelik was vir die verdwyning van kinders in die gemeenskap, ’n bose persoon met twyfelagtige morele waardes is in wie se teenwoordigheid kinders onveilig is asook dat hy ’n bedreiging vir kinders in die gemeenskap se welstand is.Ihuha, ’n verpleegster by die Katutura-staatshospitaal, sê hy het die oggend van 17 November 2017 ’n oproep by die werk ontvang van ’n huisgas wat gesê het daar is uitsendings op die Otjiherero-radiostasie oor sy huis waar kinders ontvoer is en dat die publiek sy huis wil afbrand. Hy het huis toe gery waar hy verskeie polisiebeamptes en lede van die publiek sien saamdrom het. Volgens Ihuhwa het ’n man met ’n bakkie by sy huis gestop en die voertuig se deure oopgemaak waarna hy die uitsending op die radiostasie kon hoor. Na bewering is sy woonadres uitgesaai, tesame met bewerings van ontvoerings vir moeti en dat hy ’n senior polisiebeampte is.Ihuhwa sê in sy verklaring hy het aan verskeie joernaliste en ook lede van die gemeenskap die geleentheid gegee om self in die huis te gaan om te kyk of die beweringe waar was.“Die uitsending deur die NBC het die skare kwaad gemaak. Hulle wou my huis bestorm en die kinders gaan uithaal wat ek glo ontvoer het en hulle wou die menslike oorskot sien wat ek glo in die vrieskas hou. Dit was dieselfde skare wat die polisie bestorm en aangeval het om in my huis te kom,” lui die verklaring.Volgens Ihuhwa is die oproerige skare met rubberkoeëls onder beheer probeer bring en moes die hulp van ’n polisiehelikopter ingeroep word. Hy is glo terug werk toe vir sy eie veiligheid en het hy die middag saam met sy vrou en kinders na die huis teruggekeer. Hy het toe ook verskeie lede van die gemeenskap deur die huis geneem om sy onskuld te bewys.Ihuhwa eis N$100 000 en ook ’n openbare verskoning op die Otjiherero-radiostasie waarin die lasterlike aantygings teen hom onvoorwaardelik teruggetrek word. – henriette@republikein.com.na

Man eis ná omroeper sê hy is ontvoerder

Kommentaar

Republikein 2026-09-18

Meld asseblief aan om kommentaar te lewer

Man eis ná omroeper sê hy is ontvoerder

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.