Man doen hom voor as polisielid

Die nasionale polisiewoordvoerder, adj.komm. Kauna Shikwambi, het die publiek teen ’n man gewaarsku wat homself as ’n hoofinspekteur voorgee en geld van sy potensiële slagoffers eis. “Die man stel homself glo as hoofinspekteur Martin Josef Nekudi van die spesiale taakmag voor. Hy bel klaers en slagoffers van misdaad en lig hulle in dat hy die nuwe ondersoek beampte is wat aangestel is om hulle saak te ondersoek omdat die vorige ondersoekbeamptes nie daarin kon slaag om die verdagte/s in hegtenis te neem nie. Hy eis dan geld om oor die weg te kan kom terwyl hy besig is met die ondersoek aangesien die regering bankrot is. In sommige gevalle eis hy die rekeningnommer en geheime pinkode van die klaer waarna hy geld uit hul rekeninge onttrek,” lui die verklaring.“Ons wil dit duidelik maak die man is nie ’n lid van die Namibiese polisie nie. Hy is ook nie opdrag gegee om polisieondersoeke te doen nie. Ons vra die publiek om baie versigtig te wees wanneer hulle persoonlike inligting uitdeel. Daar is geen manier ’n individuele polisiebeampte of ’n ondersoekbeampte sal geld vir die lewering van sy dienste eis nie. Wanneer so iets gebeur, is dit ’n bedrogspul en moet die individueel onmiddellik by die naaste polisiekantoor aangemeld word,” het sy gesê.

Man doen hom voor as polisielid

Kommentaar

Republikein 2025-05-12

Meld asseblief aan om kommentaar te lewer

Man doen hom voor as polisielid

Kommentaar

Republikein 2025-05-12

Meld asseblief aan om kommentaar te lewer

MELD AAN

Advertensie