Malinese soldate vermis ná lokval

'n Weermagkonvooi is aangeval toe dit Sondag van die dorp Gao na Menako in die noorde van Mali onderweg was, het 'n weermagwoordvoerder, kol. Diarran Kone, gesê. Die streek word toenemend deur militante groepe geteiken. Sommige van die groepe het bande met Al-Kaïda.“Ons is in 'n lokval gelei. Omtrent tien soldate word vermis en ons het vier voertuie verloor. Ons neem die situasie in oënskou,” het Kone gesê sonder om meer besonderhede te verstrek.Militante groepe het in 2012 beheer oor die noorde van Mali oorgeneem. 'n Jaar later is hulle deur Fransgeleide magte uitgedryf. Om vrede in die afgeleë woestyngebied te handhaaf, is moeilik en djihadiste gaan voort om aanvalle op Malinese soldate en vredebewaarders van die Verenigde Nasies (VN) uit te voer.Afrikamagte het vroeër die maand 'n multinasionale mag ontplooi om Islamitiese militante in die Sahel te bekamp. Geweldpleging het reeds oor Mali se noordelike grens na buurstate versprei.Militante groepe met bande aan Al-Kaïda het verlede maand vyf mense by 'n luukse oord wat gewild is onder Westerlinge, buite die hoofstad, Bamako, in die suidelike deel van die land aangeval. Ondertussen het gevegte tussen strydende Touareg-stamme uitgebreek wat die Kidalstreek in die noorde van die land verder ontwrig het. In gevegte tussen die pro-regering Platform-koalisie, onder leiding van die Gatia-milisie, en die separatistiese Koördinasie van Azawad-bewegings (CMA) is verskeie mense dood, maar die regering kon nie sê presies hoeveel nie. - Nampa/Reuters

Malinese soldate vermis ná lokval

Kommentaar

Republikein 2026-09-18

Meld asseblief aan om kommentaar te lewer

Malinese soldate vermis ná lokval

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.