Malawi weerhou Jewels van wenpunte

Limba Mupetami – In 'n opwindende wedstryd op 'n snikhete middag het die gedugte Malawi gister die gasheerspan Namibië met 64-43 geklop op dag drie van die Debmarine Pent-reeks by die Patrick Iyambo polisiekollege se baan in Olympia.Malawi het sake oorheers en het sy voorsprong in elke kwart volgehou. Die Malawiërs het van meet af geen kans vir punte deur hul vingers laat glip nie en was ná die eerste kwart met 17-12 voor. Die voorlopers se ondervinding en vernuf (Malawi is sesde op die wêreldranglys) is verder uitgestal toe hulle teen rustyd met 36-24 in beheer van sake was. Die toerspan se blitsige aanvalle het die Namibiese verdediging laat bontstaan, met die punteverskil wat teen die einde van die derde kwart tot 50-35 aangegroei het.Ondanks die desperaatheid om terug te veg, is Namibië (24ste op die wêreldranglys) in die laaste kwart ook met 14 doele teen agt oorskadu.Afrigter Julene Meyer sê dit was eintlik 'n goeie vertoning. “Ek is tevrede. Dit was 'n fisieke stryd. Ons moes baie druk verwerk. Ek is tevrede met die manier waarop die spelers deurgaans hul man gestaan het.“Ons moet leer om meer akkuraat te wees en ons kanse vir punte optimimaal te benut. Malawi is tegnies 'n baie goeie span en wanneer hulle besit afgeneem het, was hulle teenaanvalle blitsvinnig.”Malawi se breier Peace Kaluwa sê haar spelers is beide op aanval en verdediging besig om goed op dreef te kom.“Hulle het geluister na ons instruksies. Namibië het ons fisiek uitgedaag, maar ons het 'n baie ervare span, wat ook goed gekombineer het.“Ons kom uit 'n tydperk waarin sport in Malawi opgeskort was vanweë die Covid-19-pandemie en het eintlik net omtrent vier oefendae gehad. Die skeidsregters het hulle goed van hul taak gekwyt. Ons volgende taak is om ons beplanning teen Zambië reg te kry.”• Vandag se wedstryde: Zambië tn Malawi 12:00; Uganda tn Kenia 14:00; Namibië tn Zimbabwe 16:00.• Uitslae en puntetabel by www.sportwrap.comFOTO’s Limba MupetamiAnna Shipanga in aksie vir Namibië. Jessica Moolman van Namibië.

Malawi weerhou Jewels van wenpunte

Kommentaar

Republikein 2025-12-15

Meld asseblief aan om kommentaar te lewer

Malawi weerhou Jewels van wenpunte

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.