Malaria eis 40 lewens in 2020

Kenya Kambowe op RunduDie gesondheidsowerhede het bevestig malaria het sedert die begin van die jaar die lewens van 40 mense geëis. Dít, uit die 12 624 wat die siekte opgedoen het. In Mei vanjaar het Republikein se susterkoerant, Namibian Sun, berig dat 23 mense reeds aan malaria dood is; dus het die siekte nog 17 lewens sedert Mei geëis.Mnr. Ben Nangombe, die uitvoerende direkteur van gesondheid en maatskaplike dienste, het gesê 16 van dié sterftes is in die twee Kavangostreke aangemeld, wat dit die streke met die hoogste sterftesyfer maak. Uit die 12 624 malariagevalle is 5 914 in dié twee streke aangemeld. Die Kavango-Oos- en Kavango-Wesstreek was oor die jare die voorloper in die land se malariastatistieke.Dit word grotendeels toegeskryf aan die hoë reënvalsyfers in dié gebiede, sowel as die Kavangorivier wat die ideale broeiplek vir muskiete, die draers van die malariaparasiet, is. Oshana het die tweede hoogste sterftesyfer (sewe) aangeteken, gevolg deur die Zambezi met ses.Ohangwena het drie malariasterftes gehad, terwyl die res van die streke 'n gekombineerde getal van agt sterftes aangemeld het. GEMEENSKAPSWEERSTANDNangombe het gesê die dekking van die binnehuise nawerkende spuitmiddel (IRS)-program is tans op 47,2% vanweë logistieke uitdagings en hoë reënval.Nog 'n faktor vir die lae IRS-dekking is teëstand van die gemeenskappe in die twee streke. Volgens Namgombe het 3,2% van die mense in die Kavangostreke geweier om hul huise met insekdoder te laat bespuit, terwyl 10,4% van besoeke na huise nie beantwoord is nie.Hy het gesê die IRS-program vir die komende reënseisoen het op 26 Oktober afgeskop. SKAKEL MET ANGOLAIn Mei het die direkteur van gesondheid vir die Kavangostreek, me. Timea Ngwira, gesê die swak grensbeheer wat plek-plek tussen Namibië en Angola uitgeoefen word, maak dit moeiliker vir die regering om malaria te bekamp.Sy sê in sommige gevalle was dit as gevolg van malaria-geïnfekteerde mense van suidelike Angola wat die land binnegekom het. As hierdie mense deur muskiete gebyt word, versprei hulle die parasiet na ander mense.Weens die droogte het die ministerie verlede jaar minder malariagevalle aangeteken, het Ngwira bygevoeg.“Weens die droogte en suksesvolle ingrypings was die getalle laag. Maar hierdie jaar, met die hoë reënvalsyfers, asook ons stadige ingrypings, soos die IRS, is die gevalle meer,” het Ngwira gesê.– kenya@namibiansun.com

Malaria eis 40 lewens in 2020

Kommentaar

Republikein 2026-06-23

Meld asseblief aan om kommentaar te lewer

Malaria eis 40 lewens in 2020

Kommentaar

Republikein 2026-06-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.