Maersk vaar 'byna' voluit

Francois Williams - Die skeepsredery Maersk, die grootste redery ter wêreld, sê hy het gister weer “byna” normaal sake gedoen, nadat hy verlede week deur die afpers-rekenaarvirus PetyaWrap getref is.Dit het tot stadiger vloei van sy vrag deur hawens wêreldwyd gelei, en die Deens-beheerde groep moes alternatiewe maniere vind om met kliënte te kommunikeer. Baie vragtransaksies wat normaalweg elektronies plaasvind, moes per hand geskied, wat logistieke prosesse vertraag het.Maersk het laat weet sy e-posstelsel werk weer, en teen gister sou kliënte weer volle toegang tot sy datastelsels gekry het.Teen die naweek was sy verklarings oor hoe die proses vorder om weer ten volle in bedryf te wees, nog gepeper met die woord “byna”.Vrag word deur byna al die hawens in die wêreld verskeep waar Maersk betrokke is, en byna al die hawens waar sy hawe-operateursafdeling APM Terminals betrokke is, is in bedryf.Sake is weer heeltemal normaal in die meeste van APM Terminals se vrageindpunte. Volgens 'n verklaring Sondagaand was dit nog net sy Maasvlakte II eindpunt in die Rotterdam-hawe in Nederland wat probleme het.Maersk het gisteroggend laat weet sy belangrikste aanlyn toepassings is weer in bedryf.“Die IT-infrastruktuur-herstelspanne het intensief gewerk en ons het nou die meeste van ons hoofstelsels in bedryf. Soos belowe, is ons vandag aanlyn.Herstel“Ons erken dat die pad na herstel van so 'n kuberaanval lank en ingewikkeld is. Ons doel is om tot 'n absoluut veilige bedryfstelsel terug te keer.“Om ons internasionale kliënte te bedien, bedryf ons 1 500 stelsels wat een vir een in die regte volgorde herstel moet word om 49 000 eindgebruikers op 500 plekke toegang te gee. Dit verg tyd,” lui die verklaring.Die groep sê hy werk hard om ses dae se agterstand in te haal.Vincent Clerc, handelshoof van Maersk in Kopenhagen, het in 'n onderhoud met Richard Quest van CNN Money gesê hy glo nie die kuberaanvallers het Maersk spesifiek as teiken gekies nie, maar die groep sal moeilike vrae aan homself moet vra oor hoe om sulke kuberaanvalle in die toekoms beter te hanteer en voldoende beskerming te hê.Clerc het bevestig Maersk het nie 'n losprys in Bitcoin aan die kuberafpersers betaal nie. Hy sê hulle het voor die kuberaanval verwag sulke soort aanvalle sal in die toekoms toeneem, maar het nie verwag dit sal so 'n vinnige en verwoestende uitwerking hê nie. – Netwerk24

Maersk vaar 'byna' voluit

Kommentaar

Republikein 2026-05-04

Meld asseblief aan om kommentaar te lewer

Maersk vaar 'byna' voluit

Kommentaar

Republikein 2026-05-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.