Maasbankerbedryf bekommerd oor kwota-skuiwergat

Ronelle Rademeyer - Die herverpakking van gevriesde maasbanker deur die eienaars van fabrieksbote kan nie verwerking beskou word nie en daardie operateurs moet nie vir aanlandige verwerkingskwota, of nat kwota, kwalifiseer nie.Dit is niks anders nie as ’n goedkoop skuiwergat in die kwotabedeling wat kapitaalintensiewe aanlandige verwerkers benadeel nie.Só sê die Vereniging vir Aanlandige Maasbankerverwerkers in ’n brief aan dr. Albert Kawana, minister van visserye en mariene hulpbronne.Mnr. Jason Angala, voorsitter van dié vereniging, het die minister verlede gevra om duidelikheid hieroor te verskaf ná inligting na vore gekom het wat daarop dui ‘n vismaatskappy wat nie soos die drie aanlandige verwerkers, Gendev Fishing Group, Tunacor en Seaflower Pelagic Processing, ’n verwerkingsaanleg op Walvisbaai het nie, vermoedelik nat kwota ontvang het.“Geskoei op die beweerde inligting versoek ons duidelikheid van die ministerie rakende die moontlike toestemming aan ’n fabrieksboot wat op see vries, om vir nat kwota te kwalifiseer omdat hulle dit op land herverpak,” skryf Angala, en voeg by dit is strydig met die beleidsonderskeid tussen gevriesde en nat kwota.’n Brief is in Republikein se besit waaruit dit blyk die betrokke vismaatskappy bied dieselfde opsie vir ander visregtehouers aan. In die gewraakte brief bied die betrokke maatskappy gevriesde kwota en nat kwota as ’n pakket aan vir onderskeidelik N$21 miljoen en N$10,8 miljoen aan die voorgenome koper.“As dit die geval is, teken ons sterk beswaar aan, want dit ondermyn die aanlandige maasbankerverwerkingsektor wat hoogs kapitaalintensief is en ‘n groot hoeveelheid aanlandige werksgeleenthede vir veral vroue en jongmense geskep het,” sê Angala.Volgens hom skep elke 25 000 ton nat kwota 500 werksgeleenthede in maasbankerverwerkingsaanlegte.Angala het Kawana in dieselfde brief egter bedank vir sy belofte om nie nat kwota na gevriesde kwota om te skakel nie. Kawana het verlede week gesê het hy sal nie kwota vir aanlandige verwerking omskakel na gevriesde kwota vir fabrieksbote nie.Hy het Woensdag in ’n brief aan die Konfederasie van Namibiese Visverenigings (CNFA) gesê nat kwota word toegeken vir die aanlandige verwerking van maasbanker ten einde waarde toe te voeg en werksgeleenthede te skep, soos dit in die NDP 5 uitgestippel word. Kawana sê al wanneer hy so ’n omskakeling sal doen, is as die aansoeker meer werksgeleenthede gaan skep en ’n aanlandige verwerkingsaanleg oprig met die doel om ander visspesies as maasbanker te verwerk.Volgens hom het hy reeds versoeke vir omskakeling afgekeur, maar voeg by hy sal wel aansoeke toestaan om gevriesde kwota om te skakel na nat kwota.“My inligting is dat maasbanker, anders as stokvis en ander spesies, hoofsaaklik na lande in Afrika uitgevoer word wat nie oor hul eie kuslyne beskik nie. Werkskepping kring dus ook na die vervoerbedryf uit,” sê Kawana.Wat die vermeende skuiwergat in die uitreiking van kwotas betref, het Kawana in antwoord op ‘n navraag deur Republikein gesê: “Ek is nie daarvan bewus nie en diegene wat die bewering maak, word vriendelik versoek om die ministerie met besonderhede te nader en dan sal ons dit ondersoek”. -ronelle@republikein.com.na

Maasbankerbedryf bekommerd oor kwota-skuiwergat

Kommentaar

Republikein 2025-04-30

Meld asseblief aan om kommentaar te lewer

Maasbankerbedryf bekommerd oor kwota-skuiwergat

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie