Maart se reënsyfers ‘finale spyker in doodskis’

Elvira Hattingh - “Maart het die finale spyker in die doodskis geslaan wat hoop op ‘n goeie reënseisoen betref, met onderdrukte reënneerslae wat oor die grootste dele van die land voorgekom het. “Op seisoenale skaal het die meeste plekke in die land minder reën as normaal ontvang . . . Die groter Namibië het slegs sowat 50% of minder van hul gemiddelde seisoenale reën ontvang.”Só som mnr. Simon Dirkse, hoof van klimaat en die Namibië Meteorologiese Diens (NMS) se databank, die huidige reënseisoen van Oktober verlede jaar tot Maart vanjaar in sy jongste metereologiese verslag op.Hy sê in Maart het gebiede in die ooste van Erongo, deur Otjozondjupa tot in die Kavango-Wesstreek sowat 40 mm reën aangeteken, maar dit is “ver ondergemiddeld vir dié tydperk”. “Die Zambezistreek het bitter min tot geen reën tydens Maart ontvang, wat die tekort aan seisoenale reën vergroot het. “Aan die ander kant het gebiede by Karibib, Usakos, Otjimbingwe en Wilhelmstal tot 60 mm reën teen die einde van die maand ontvang,” het hy in die verslag gesê. “Terselfdertyd het gebiede suidwes tot suidoos van Otjiwarongo reënneerslae van digby 100 mm oor dieselfde tydperk ontvang.”Grafieke in die verslag wys (met afwykingpersentasie in hakies), met die uitsondering van Steinhausen in die Omahekestreek, dat dorpe soos Rundu (-46%), Ondangwa (-60%), Khorixas (-58%), Grootfontien (-57%), Windhoek (-68%), Keetmanshoop (-73%) en Sibbinda (-40%) in Maart ondernormale reën ontvang het. Die dorpe se totale seisoenale reën is ook ver ondergemiddeld, behalwe vir Steinhausen (0%), wat wel gemiddelde reënneerslae gehad het. Vir Rundu, Windhoek en Keetmanshoop was vanjaar se reënseisoen die swakste in jare.Op seisoenale vlak het Steinhausen ook normale reën gehad, terwyl alle ander plekke ‘n negatiewe afwyking van die normaal aandui. Dertien plekke het ‘n afwyking van -70% of groter van normale reënsyfers ervaar – dit sluit Witvlei, Opuwo en Eros-lughawe in.

Maart se reënsyfers ‘finale spyker in doodskis’

Kommentaar

Republikein 2026-07-17

Meld asseblief aan om kommentaar te lewer

Maart se reënsyfers ‘finale spyker in doodskis’

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.