‘Maar die grootste hiervan is die liefde’

Henriette LamprechtDrie-en-twintig ryers (sewe solo, tweee tweeman- en drie viermanspanne), durf vandag onder die vaandel van Legacy of Love weer die moordende Nedbank Desert Dash aan ter herinnering en ondersteuning van elf ouerpare wat ’n kind aan die dood moes afstaan. Elk van die ouerpare het met die bekendstelling van die ryers ’n kers ontvang wat die naam van hul kind dra en wat hulle tydens die 24 ure van die rit kan laat brand.“Die idee is dat die ouers die kerse brand vir die duur van die tyd wat die ryers deur die woestyn ry. So weet ryers die ouers dink aan hulle en elkeen ‘worstel’ deur sy eie woestyn,” vertel Ronel de Beer, wat Legacy of Love saam met haar man Sybrand begin het ná die dood van hul dogter Lumé in Julie 2017.Deur middel van die Desert Dash samel Legacy of Love jaarliks geld in deur die fietsryers wat skenkings van mense en besighede ontvang. Vanjaar is ’n gedeelte van die inkomste (N$15 000) aan die Mathys van Rooyen M7 Trust geskenk wat gestig is nadat Mathys met motorneuronsiekte gediagnoseer is. Die res van die geld gaan gebruik word vir Legacy of Love-projekte, wat troosbokse aan ouers en “buddy benches” by skole insluit.In Desember 2017 het verskeie mense in herinnering aan Lumé die Dash aangepak. In 2018 het Sybrand se broer Johan en sy vriend Corné Brand die De Beers genader om toestemming te kry om fietsryklere te laat maak in die kleure en slagspreuk van Legacy of Love (geloof, hoop en liefde) om so onder dié vaandel te ry. Volgens Sybrand het hy en Ronel toe besluit om ook die fietse nader te trek.“Ons kan nie dat ander mense alleen vir ons saak ry nie; ons moet deel wees daarvan,” sê hy.Verlede jaar het Sybrand dus sy eerste Dash as soloryer aangepak en voltooi, terwyl Ronel lid van ’n viermanspan was.“Ons ry die Dash vir ouers wat kinders verloor en agtergebly het en wys sodoende hul kinders is nie vergeet nie.” Vir meer besonderhede, besoek die webtuiste www.legacyoflove.co of stuur ’n e-pos aan roneldb@afol.com.na of sybranddb@me.com. – henriette@republikein.com.na

‘Maar die grootste hiervan is die liefde’

Kommentaar

Republikein 2025-12-17

Meld asseblief aan om kommentaar te lewer

‘Maar die grootste hiervan is die liefde’

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.