Ma verwurg glo pasgebore baba
’n Ma (22) se verweer in die hof was dat sy bloot haar babadogtertjie wou borsvoed.
Leandrea Louw op Walvisbaai
Me. Eleotheria Kapuusha (22), wat daarvan beskuldig word dat sy haar dagoue babadogtertjie vermoor het, het Vrydag haar eerste verskyning in die Walvisbaaise landdroshof gemaak.
Landdros Rhivermo Williams het opdrag gegee dat die beskuldigde in aanhouding bly en het haar ingelig dat sy die reg tot regsverteenwoordiging het.
Kapuusha het aangedui dat sy aansoek om regshulp sal doen. Die saak is tot 5 November 2020 uitgestel en borgtog is teengestaan op grond van die erns van die beweerde oortreding en dat sy dalk met die ondersoek kan inmeng.
Die hoof van misdaadondersoeke vir die Erongostreek, adj. komm. Erastus Ikuyu, het in ’n misdaadverslag gesê die voorval het Dinsdag omstreeks 16:20 in die Walvisbaaise staatshospitaal plaasgevind.
“Die verdagte het die babadogtertjie met haar hande verwurg en in die proses ernstige skade aan die kind aangerig. Die baba het ongelukkig later dieselfde namiddag gesterf. Die baba is ná voltermyn swangerskap gebore.”
Terwyl sy gewag het om na die polisie se aanhoudingsel geneem te word, het Kapuusha glo gesê sy het bloot probeer om die baba te borsvoed.
“Ek het Maandag hospitaal toe gegaan, waar ek geboorte aan haar geskenk het. Ek het Dinsdag probeer om my baba te borsvoed en het in die proses my hande om die agterkant van haar nek geplaas. Toe sy aan my bors suig, het ek op die bed gaan lê.”
Volgens Kapuusha kon sy nie sien dat haar bors die baba se mond en neus toedruk nie. Volgens haar het dit gebeur omdat die baba te vroeg gebore is.
“Ná ’n rukkie het ek besef sy beweeg nie meer nie. Een van die vroue in die kamer het die verpleegsters geroep en hulle het vir my gesê my baba is dood.”
Kapuusha het aan Erongo 24/7 gesê sy is werkloos en dat die pa van die baba nie in haar lewe betrokke is nie.
Sy het gesê sy wil ook in die hof ’n vertaler tot haar beskikking hê omdat sy haarself nie voldoende in Engels kan uitdruk nie.
Op die vraag of sy daarvan bewus is dat sy van moord beskuldig word, het Kapuusha gesê: “Dit is nie oukei dat ek van moord verdink word nie.”
Ikuyu sê ’n nadoodse ondersoek sal binnekort op die baba uitgevoer word en die uitslag sal deel van die ondersoek vorm.
- [email protected]
Me. Eleotheria Kapuusha (22), wat daarvan beskuldig word dat sy haar dagoue babadogtertjie vermoor het, het Vrydag haar eerste verskyning in die Walvisbaaise landdroshof gemaak.
Landdros Rhivermo Williams het opdrag gegee dat die beskuldigde in aanhouding bly en het haar ingelig dat sy die reg tot regsverteenwoordiging het.
Kapuusha het aangedui dat sy aansoek om regshulp sal doen. Die saak is tot 5 November 2020 uitgestel en borgtog is teengestaan op grond van die erns van die beweerde oortreding en dat sy dalk met die ondersoek kan inmeng.
Die hoof van misdaadondersoeke vir die Erongostreek, adj. komm. Erastus Ikuyu, het in ’n misdaadverslag gesê die voorval het Dinsdag omstreeks 16:20 in die Walvisbaaise staatshospitaal plaasgevind.
“Die verdagte het die babadogtertjie met haar hande verwurg en in die proses ernstige skade aan die kind aangerig. Die baba het ongelukkig later dieselfde namiddag gesterf. Die baba is ná voltermyn swangerskap gebore.”
Terwyl sy gewag het om na die polisie se aanhoudingsel geneem te word, het Kapuusha glo gesê sy het bloot probeer om die baba te borsvoed.
“Ek het Maandag hospitaal toe gegaan, waar ek geboorte aan haar geskenk het. Ek het Dinsdag probeer om my baba te borsvoed en het in die proses my hande om die agterkant van haar nek geplaas. Toe sy aan my bors suig, het ek op die bed gaan lê.”
Volgens Kapuusha kon sy nie sien dat haar bors die baba se mond en neus toedruk nie. Volgens haar het dit gebeur omdat die baba te vroeg gebore is.
“Ná ’n rukkie het ek besef sy beweeg nie meer nie. Een van die vroue in die kamer het die verpleegsters geroep en hulle het vir my gesê my baba is dood.”
Kapuusha het aan Erongo 24/7 gesê sy is werkloos en dat die pa van die baba nie in haar lewe betrokke is nie.
Sy het gesê sy wil ook in die hof ’n vertaler tot haar beskikking hê omdat sy haarself nie voldoende in Engels kan uitdruk nie.
Op die vraag of sy daarvan bewus is dat sy van moord beskuldig word, het Kapuusha gesê: “Dit is nie oukei dat ek van moord verdink word nie.”
Ikuyu sê ’n nadoodse ondersoek sal binnekort op die baba uitgevoer word en die uitslag sal deel van die ondersoek vorm.
- [email protected]
Kommentaar
Republikein
Geen kommentaar is op hierdie artikel gelaat nie