Ma en seun vandag weer voor hof
'n Rehoboth-gesin is die afgelope naweek die soveelste knou toegedien toe hul broodwinner doodgery is.
Denver Kisting
'n Tienerseun is gistermiddag in die sorg van sy ma vrygelaat.
Dít kom nadat dié 45-jarige ma gister op borgtog van N$1 500 vrygelaat is.
Ma en seun (16) was gister saam in die beskuldigdebank in die landdroshof op Rehoboth.
Die tiener was glo Saterdag omstreeks 16:20 agter die stuur van 'n Toyota Yaris toe hy vir mnr. Gerhard (Gerrie) van Rooi (56) raakgery het.
Van Rooi is na die staatshospitaal op dié dorp gehaas waar hy aan sy wonde beswyk het.
Hy is die derde lid van sy gesin wat die afgelope klompie maande gesterf het. 'n Dogter én kleinkind van Van Rooi is sedert einde verlede jaar oorlede.
Aanvanklik het die beskuldigde se ma glo gesê sy het bestuur waarna sy aangekeer is.
Later het die polisieondersoek onthul die seun het glo ten tye van die voorval die motor bestuur, het adj.komm. Eric Clay, die koördineerder van misdaadondersoeke in die Hardapstreek, gesê.
Gevolglik is die tiener ook aangekeer en 'n klag van regsverydeling is bygevoeg.
Landdros Andre Matulich het gister die saak tot vandag uitgestel.
Die ma en seun het aangedui hulle wil om regshulp aansoek doen.
Mnr. Victor Mutumbulwa het namens die staat opgetree.
Die ander klagte is strafbare manslag, roekelose en nalatige bestuur en bestuur sonder 'n rybewys.
Republikein weerhou die name van die ma en seun om sy identiteit as minderjarige te beskerm.
Vyf ander ongelukke is die naweek aangemeld waarin twee mense dood en vier beseer is.
Vrymiddagmiddag kort na middagtyd is die 61-jarige mnr. Moses Nghipande Paulus op Walvisbaai van sy fiets af gery en is later die dag in die staatshospitaal op die dorp dood.
Die polisie ondersoek 'n saak van strafbare manslag en roekelose of nalatige bestuur teen die 51-jarige man wat hom met 'n bakkie getref het.
nog ongelukke
Die 30-jarige mnr. Christiaan Barend Stephanus Harmse is in die vroeë oggendure ernstig beseer toe sy motorfiets buite Swakopmund die pad verlaat en omgeslaan het. Hy is met kopbesering na die hospitaal geneem, waar hy later beswyk het.
Die voetganger wat in die nagtelike ure Sondagoggend tydens 'n tref-en-trap-ongeluk by die Engoyi-nedersetting raakgery is, is 'n 26-jarige Angolese burger. Hy het kopbesering opgedoen en sy linkerbeen is gebreek. 'n 29-jarige man is kort ná sonop by die Oshana-nedersetting aangekeer en word vir roekelose en/of nalatige bestuur ondersoek.
Die ander twee voorvalle het Vrydagmiddag op grondpaaie plaasgevind – die een tussen Kalkrand en Sclip en die ander een tussen Uis en Okombahe.
Drie mense is in dié twee ongelukke beseer.
'n Tienerseun is gistermiddag in die sorg van sy ma vrygelaat.
Dít kom nadat dié 45-jarige ma gister op borgtog van N$1 500 vrygelaat is.
Ma en seun (16) was gister saam in die beskuldigdebank in die landdroshof op Rehoboth.
Die tiener was glo Saterdag omstreeks 16:20 agter die stuur van 'n Toyota Yaris toe hy vir mnr. Gerhard (Gerrie) van Rooi (56) raakgery het.
Van Rooi is na die staatshospitaal op dié dorp gehaas waar hy aan sy wonde beswyk het.
Hy is die derde lid van sy gesin wat die afgelope klompie maande gesterf het. 'n Dogter én kleinkind van Van Rooi is sedert einde verlede jaar oorlede.
Aanvanklik het die beskuldigde se ma glo gesê sy het bestuur waarna sy aangekeer is.
Later het die polisieondersoek onthul die seun het glo ten tye van die voorval die motor bestuur, het adj.komm. Eric Clay, die koördineerder van misdaadondersoeke in die Hardapstreek, gesê.
Gevolglik is die tiener ook aangekeer en 'n klag van regsverydeling is bygevoeg.
Landdros Andre Matulich het gister die saak tot vandag uitgestel.
Die ma en seun het aangedui hulle wil om regshulp aansoek doen.
Mnr. Victor Mutumbulwa het namens die staat opgetree.
Die ander klagte is strafbare manslag, roekelose en nalatige bestuur en bestuur sonder 'n rybewys.
Republikein weerhou die name van die ma en seun om sy identiteit as minderjarige te beskerm.
Vyf ander ongelukke is die naweek aangemeld waarin twee mense dood en vier beseer is.
Vrymiddagmiddag kort na middagtyd is die 61-jarige mnr. Moses Nghipande Paulus op Walvisbaai van sy fiets af gery en is later die dag in die staatshospitaal op die dorp dood.
Die polisie ondersoek 'n saak van strafbare manslag en roekelose of nalatige bestuur teen die 51-jarige man wat hom met 'n bakkie getref het.
nog ongelukke
Die 30-jarige mnr. Christiaan Barend Stephanus Harmse is in die vroeë oggendure ernstig beseer toe sy motorfiets buite Swakopmund die pad verlaat en omgeslaan het. Hy is met kopbesering na die hospitaal geneem, waar hy later beswyk het.
Die voetganger wat in die nagtelike ure Sondagoggend tydens 'n tref-en-trap-ongeluk by die Engoyi-nedersetting raakgery is, is 'n 26-jarige Angolese burger. Hy het kopbesering opgedoen en sy linkerbeen is gebreek. 'n 29-jarige man is kort ná sonop by die Oshana-nedersetting aangekeer en word vir roekelose en/of nalatige bestuur ondersoek.
Die ander twee voorvalle het Vrydagmiddag op grondpaaie plaasgevind – die een tussen Kalkrand en Sclip en die ander een tussen Uis en Okombahe.
Drie mense is in dié twee ongelukke beseer.
Kommentaar
Republikein
Geen kommentaar is op hierdie artikel gelaat nie