Lukas se visier weer op WBO Afrika-gordel

Die kamp van die bokser Sakaria Lukas sal die Wêreldboksorganisasie versoek om John Laryea van Ghana te dwing om sy nuut verworwe Afrika-kampioengordel teen die Namibiese veergewigvegter te verdedig.Namens Lukas het sy afrigter Imms Moses voor die naweek gesê sy vegter ,bekend as “Desert Storm”, wil die wenner van die geveg tussen Laryea en die Namibiër Sebastian Nathanael uitdaag.Dié twee het Vrydagaand in Ghana se hoofstad slaags geraak om die WBO Afrika-titel wat Nathanael onlangs die eerste keer beklink het, maar Laryea is as die wenner aangewys toe die skeidsregter die geveg stopgesit het vanweë 'n sny aan die Namibiër se oogbank.Met dié ietwat omstrede uitslag het Nathanael se beroepsrekord teruggesak tot 14 oorwinings en drie nederlae.Sakaria Lukas het hierdie selfde WBO Afrika-titel vanaf Oktober 2015 tot Desember 2017 gehou. Hy het sy onoorwonne rekord eers in Desember verlede jaar prysgegee toe hy hom in Arlington, VSA teen Isaac Avelar van Mexiko vasgeloop en eenparig met punte verloor het. “Desert Storm” se rekord staan tans op 25 oorwinnings (17 uitklophoue) en dié enkele nederlaag.Moses sê: “Ons sal druk dat die WBO hierdie geveg bevestig, want Afrika (en Namibië) is te klein dat die beste vegters nie teen mekaar te staan behoort te kom nie.“Ek glo nie die WBO sal 'n beswaar hê nie. Ek glo Desert Storm is die beste veergewig in Afrika. Die enigste manier hoe die geveg nie vasgeknoop kan word nie, is as die ander kamp bang is vir ons. Die geld wat vir die boksers ter sprake is, sal nie 'n geldige hindernis wees nie.“In Namibië glo ek die beste veergewigte is Sakaria Lukas, Natanael Kakololo en Sebastian. Dit is die gevegte wat ons bokskykers wil sien.”– andrew@republikein.com.na

Lukas se visier weer op WBO Afrika-gordel

Kommentaar

Republikein 2025-12-17

Meld asseblief aan om kommentaar te lewer

Lukas se visier weer op WBO Afrika-gordel

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.