Luiperdwyfie verinneweer drie mans

16 September 2020 | Omgewing
Francoise Steynberg – Drie mans is beseer toe ’n luiperd hulle Maandagnamiddag op die plaas #Goabeb in die Usakos-distrik aangeval het.

Die voorval het omstreeks 17:00 naby Spitzkoppe in die #Gaingu-bewaringsgebied plaasgevind toe mnr. Esegiel Pitifo (48) bokke in die veld opgepas het.

“Die luiperd het aanvanklik ’n bok aangeval en Pitifo is aan die linkerarm gebyt toe hy gestoei het om die bok uit die kat se kake te red,” lui ’n polisieverslag.

“Pitifo kon daarin slaag om sy vriende by die huis met sy selfoon te bel. Toe sy vriende, mnre. Frans Garub (39) en Enricko Garoseb (40), opdaag, is hulle ook deur die luiperd aangeval.”

Volgens die verslag het Garoseb ernstige beserings aan sy kop en regterarm opgedoen, terwyl Garub ’n oop wond het nadat hy op die kop gebyt is.

Die slagoffers is na die Usakos-staatshopsitaal vir behandeling geneem en is in ’n stabiele toestand.

Volgens die woordvoerder van die ministerie van die omgewing, bosbou en toerisme, mnr. Romeo Muyunda, is personeel gisteroggend na die toneel uitgestuur om ’n ondersoek van stapel te stuur.

“Personeellede het die luiperd se spore gevolg en tot dusver kon ons vasstel die luiperdwyfie het twee welpies,” het Muyunda gesê.

Hy het gesê die ministerie oorweeg dit om die luiperds in die gebied te vang en verskuif waar hulle minder probleme veroorsaak.

“Ons staan ook die slagoffers by met betalings vir hul beserings. Volgens die hersiene beleid van mens-dier-konflikbestuur beloop betalings vir beserings sonder die verlies van ’n ledemaat N$10 000; vir verlies van ’n ledemaat N$30 000, en N$50 000 as ’n slagoffer medies ongeskik verklaar is.”

Muyunda sê die ministerie betreur die voorval en simpatiseer met die slagoffers.

“Ons doen ’n beroep op die publiek om versigtig te wees en gevaarlike roofdiere nie op so ’n manier te benader nie. Voorvalle soos hierdie moet by die ministerie, die polisie of die naaste bewaringsgebied gerapporteer word sonder dat menselewens soos in hierdie geval in gevaar gestel word,” het die woordvoerder gemaan.

- [email protected]

Soortgelyk

 

Psemas-tender sluit

7 ure gelede | Gesondheid

Henriette Lamprecht – Die tender om die staat se mediese fonds (Psemas) te bestuur, het Woensdag (23 September) gesluit. Dit volg nadat sekere vereistes in...

Babelse verwarring oor toerismeregulasies

7 ure gelede | Toerisme

Francoise Steynberg – Met Babelse verwarring wat in die toerismesektor oor die nuwe Covid-19-regulasies heers, word steeds op meer duidelikheid gewag.“Ons sal weet sodra daar...

Gemsbok soek lafenis

7 ure gelede | In beeld

Die Desert Hills Lodge in die Naukluft-berge naby Sesriem het 'n spesiale besoeker gehad wat sy dors in die swembad kom les het. Volgens mnr....

N$30 miljoen dringend nodig om rooisprinkane te beveg

7 ure gelede | Landbou

Elvira Hattingh – Sowat N$30 miljoen se benodighede word “sonder oponthoud” vir die bestryding van die Afrika rooitreksprinkaan in die Zambezistreek benodig. Dit, om te...

Weer vir 28 September

7 ure gelede | Weer

BINNELAND: Koud in die oggend, andersins sonnig en matig tot warm, maar baie warm in die Noorde met 'n paar wolke wat oor die Zambezistreek...

Skoonmaakveldtog takel landswye probleem

7 ure gelede | Gesondheid

Jana-Mari Smith – 'n Geskatte 61 ton menslike ontlasting en huishoudelike rommel word daagliks in die openbare areas in Windhoek se informele nedersettings gestort. Dié...

Twee vas weens omkopery

7 ure gelede | Misdaad

Erwin LeuschnerDie twee beskuldigdes wat weens klagte van omkopery en korrupsie aangekla word, mnr. Farhan Khatri (31) en speuradjudantoffisier Jafet Simon, is Woensdag borgtog in...

Hardap dalk tronke se nuwe episentrum

7 ure gelede | Polisie

Kristien KrugerDie Windhoek Sentrale Gevangenis is reeds weke lank in inperking vanweë 'n Covid-19-uitbreking. Dit blyk egter dat die korrektiewe geriewe in die Hardapstreek (naby...

Meeste brandvoorvalle in Havana, Goreangab

7 ure gelede | Ongelukke

Tanja Bause – Die Namibiese Rooikruisvereniging het noodverligtingspakkies aan 11 families oorhandig wat die slagoffers van brande in informele nedersettings was. Volgens die Windhoekse stadspolisie...