Lugvaartbedryf besin oor koolstofspoor

CO²-neutraliteit in Montreal bespreek

27 September 2019 | Omgewing
Ronelle Rademeyer - Met vliegtuie wat vir 2 persent van die mensdom se koolstofvrystellings verantwoordelik is, bespreek die internasionale lugvaartbedryf vandeesweek in Montreal, Kanada, sy verbintenis tot die vermindering hiervan.

Die Internasionale Lugvervoervereniging (Iata) sê hy het hoë verwagtinge van die uitkoms van die Internasionale Burgerlugvaartorganisasie (Icao) se 40ste jaarvergadering.

Hierdie vergadering vind plaas kort op die hakke van die Verenigde Nasies (VN) se Klimaat-aksieberaad wat Maandag in New York gehou is

“Bo-aan die agenda is die lugvaartbedryf se pogings om sy impak op klimaatsverandering te verskraal,” sê Iata se direkteur-generaal en uitvoerende hoof, mnr. Alexandre de Juniac, in ’n verklaring wat Dinsdag met die aanvang van die vergadering uitgereik is.

Die 16-jarige Greta Thunberg van Swede se pleidooie vir dringende optrede om die snel pas van klimaatsverandering te stuit, het gelei tot ’n veldtog wat die wêreld tans op hol het. Dit staan in Sweeds as “flygskam” bekend – die beskaming van mense wat met vliegtuie reis en klimaatsverandering aanhelp.

Sy het verlede jaar bekend geword met haar skoolstaking voor die Sweedse parlement vir wetgewing teen die klimaatskrisis wat die wêreld bedreig.

In 2017 het burgerlugvaart tot die vrystelling van 859 miljoen ton koolstofdioksied (CO²) gelei. Dit is sowat 2% van die totale CO²-vrystellings deur die mensdom.

Icao-lidlande het drie jaar gelede ooreengekom om die Koolstofkrediete- en Verminderingskema vir Internasionale Lugvaart (Corsia) te aanvaar. Die totale bedryf het dit verwelkom as die pad wat gestap moet word om die impak op klimaatsverandering betekenisvol te verskraal, sê De Juniac.

“Die skema word deur lugrederye toegepas om die bepaal hoeveel hul koolstofvrystellings is.

“Daar is ongelukkig ’n wesenlike gevaar dat Corsia ondermyn sal word deur regerings wat bykomende instrumente skep om koolstofvrystellings te meet en te belas. Dit staan as ‘groenbelastings’ bekend, maar ons sien nog nie dat die geld wat so ingesamel word, werklik tot die vermindering van koolstrofvrystellings bydrae nie,” sê hy.

“Daar is ooreengekom dat Corsia die enigste internasionale ekonomiese metingsinstrument sal wees in die strewe na neutrale koolstofgroei. Dit sal ‘n inkomste van US$40 miljard vir klimaatfinansiering genereer, en tussen 2021 en 2035 deur middel van koolstofkrediete vir 2,5 miljard ton se koolstofvrystellings vergoed. Regerings moet daarna streef om van hierdie verbintenis ‘n sukses te maak,” sê Du Juniac.

Volgens hom het Iata saam met ander belanghebbendes in die lugvaartbedryf ‘n werksdokument voorberei wat ‘n beroep op regerings doen om die belangrikheid van Corsia te herbevestig, asook te hou by die beginsel dat die lugvaartbedryf net een keer vir sy koolstofvrystellings moet pa staan en nie verskeie kere belas moet word nie.

Soortgelyk

 

Geval nr. 22 se toestand kritiek

7 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

7 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

7 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

7 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

7 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

7 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

7 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

7 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

7 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...