Lughaweprojek: Minister tree buite die wet op

Jacqueline Louw – Regter Shafimane Ueitele het in sy volledige uitspraak wat op 9 September beskikbaar geword het, die minister se opdrag om alle konstruksie- en opgraderingsaktiwiteite by die Internasionale Lughawe Hosea Kutako te staak, nietig verklaar en tersyde gestel.Die minister se opdrag is suksesvol in die hoërhof deur die Chinese maatskappy Anhui Foreign Economic Construction (AFEC) teëgestaan. Die tender vir die lughawe se opgradering ter waarde van sowat N$8 miljard volgens die huidige wisselkoers, is op 3 Desember verlede jaar aan dié maatskappy toegeken. Die vyf respondente in die aansoek, te wete die minister van werke en vervoer; die Namibiese president; Namibia Airports Company (NAC); die minister van finansies; en die permanente sekretaris van werke en vervoer, het in ’n teenaansoek die hof versoek om die tender vir die opgradering en uitbreiding van die lughawe aan AFEC nietig te verklaar. Die regter het egter hierdie teenaansoek verwerp.Op 22 Desember 2015 het die kantoor van die president ’n mediaverklaring uitgereik waarin aangekondig is dat die president besluit het om die minister van werke en vervoer opdrag te gee om die NAC te gelas om alle aktiwiteite in verband met die projek te staak. Die tenderproses moes opnuut onder die beskerming van die ministerie van werke en vervoer in ooreenstemming met die staat se finansieringswet en die instruksies van die tesourie ’n aanvang neem.Volgens Ueitele se uitspraak is dié aankondiging gemaak nadat mediaverslae beweer het dat die NAC nie aan sekere statutêre voorskrifte in verband met die projek voldoen het nie, die kontrak nie deur die prokureur-generaal goedgekeur is nie, dat AFEC betrokke was by omkopery en korrupsie in die proses van die evaluering van uitdrukkings van belangstellings in die projek en dat sommige van die mees kostedoeltreffende bieërs uitgeskuif en geïgnoreer is.Ueitele het verder uitgewys dat Namibië ’n grondwetlike staat is en in sodanige staat is die begrip van geregtigheid die hoogste gesag wat beteken dat alle staatsinstanses en staatsamptenare slegs volgens die magte wat deur die wet aan hulle verleen is, mag optree. Ueitele het in sy uitspraak gesê die minister het versuim het om sy eie diskresie uit te oefen en is deur die siening van die president gelei.Die regter het ten slotte gesê die instruksies deur die minister aan die NAC om alle aktiwiteite met betrekking tot die opgradering en uitbreiding van die lughawe te staak, onregmatig en dus ongeldig was.

Lughaweprojek: Minister tree buite die wet op

Kommentaar

Republikein 2025-11-06

Meld asseblief aan om kommentaar te lewer

Lughaweprojek: Minister tree buite die wet op

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.