Lughawegebou op Walvisbaai geopen
Jessica Botes - Met die opening van die nuwe passasierseindpunt is Walvisbaai se lughawe goed op pad om Namibië se tweede internasionale lughawe te word.
Hierdie stelling is Vrydag met die amptelike opening van dié lughawegebou deur president Hage Geingob gemaak.
“Die hantering van vragkapasiteit is hoogs voordelig vir nywerhede, veral die vis- en mynbounywerhede. Hierdie nuwe fasiliteit is ’n groot hupstoot vir ons ekonomie, omdat dit die doeltreffendheid en spoed van die beweging van passasiers en vrag stukrag sal gee,” het Geingob gesê.
Die opgraderingsprojek het volgens berigte net minder as N$400 miljoen gekos. Dit behels 'n stygbaan teen N$220 miljoen, herbouwerk aan die aansitblad teen N$16 miljoen, die nuwe passasierseindpunt teen N$95 miljoen en 'n heining van N$48 miljoen. Die aansitblad is deur die ministerie van werke en vervoer gelê en die Namibië Lughawensmaatskappy (NAC) was vir die passasierseindpunt met verwante geriewe verantwoordelik.
Die heining is ook die werk van die NAC, maar is baanbrekerswerk in Namibië weens die wyse waarop dit teen korrosie en roes langs die kus bestand is. Die allerbeste X-straalgeriewe en metaalklikkers in belang van veiligheid van lughawens word aangebring.
Volgens Geingob is Namibië in die 2015 Afrika Mededingendheidsverslag as die vyfde beste Afrika-land ten opsigte van infrastruktuur aangewys en word die land se infrastruktuur wêreldwyd beter as Brasilië en Indië s'n beskou.
“Ons word in die korrupsie-indeks van die internasionale organisasie, Transparency International (TI), as die vierde mees deursigtige land in Afrika beskou. Met die Harambee-welvaartplan streef ons daarna om nommer een te word. Die enigste ding wat in ons pad staan, is diegene wat hulself ten koste van die massas wil verryk. Ons het as ’n land té ver gevorder om ’n paar korrupsiegesinde mense toe te laat om die ekonomiese aspirasies van die land te ondermyn,” het Geingob gesê.
Volgens statistiek het die lughawe verlede jaar 20 000 vliegtuie en 98 178 passasiers hanteer. Die nuwe passasierseindpunt kan die vloei van 200 passasiers per uur en een miljoen passasiers per jaar hanteer. Van die lughawe vind vlugte daagliks na Windhoek, Johannesburg en Kaapstad plaas.
Voorts word volgens Geingob onderneem om binnekort die treinspoor van Walvisbaai na Botswana te voltooi.
“Ons is duidelik van voorneme om te slaag en Walvisbaai kan hom beslis as ’n poort na Suider-Afrika beskou. Dit sal van onskatbare waarde vir bedrywighede op see, langs die kus en die mynbou in die streek wees,” het Geingob gesê.
Hierdie stelling is Vrydag met die amptelike opening van dié lughawegebou deur president Hage Geingob gemaak.
“Die hantering van vragkapasiteit is hoogs voordelig vir nywerhede, veral die vis- en mynbounywerhede. Hierdie nuwe fasiliteit is ’n groot hupstoot vir ons ekonomie, omdat dit die doeltreffendheid en spoed van die beweging van passasiers en vrag stukrag sal gee,” het Geingob gesê.
Die opgraderingsprojek het volgens berigte net minder as N$400 miljoen gekos. Dit behels 'n stygbaan teen N$220 miljoen, herbouwerk aan die aansitblad teen N$16 miljoen, die nuwe passasierseindpunt teen N$95 miljoen en 'n heining van N$48 miljoen. Die aansitblad is deur die ministerie van werke en vervoer gelê en die Namibië Lughawensmaatskappy (NAC) was vir die passasierseindpunt met verwante geriewe verantwoordelik.
Die heining is ook die werk van die NAC, maar is baanbrekerswerk in Namibië weens die wyse waarop dit teen korrosie en roes langs die kus bestand is. Die allerbeste X-straalgeriewe en metaalklikkers in belang van veiligheid van lughawens word aangebring.
Volgens Geingob is Namibië in die 2015 Afrika Mededingendheidsverslag as die vyfde beste Afrika-land ten opsigte van infrastruktuur aangewys en word die land se infrastruktuur wêreldwyd beter as Brasilië en Indië s'n beskou.
“Ons word in die korrupsie-indeks van die internasionale organisasie, Transparency International (TI), as die vierde mees deursigtige land in Afrika beskou. Met die Harambee-welvaartplan streef ons daarna om nommer een te word. Die enigste ding wat in ons pad staan, is diegene wat hulself ten koste van die massas wil verryk. Ons het as ’n land té ver gevorder om ’n paar korrupsiegesinde mense toe te laat om die ekonomiese aspirasies van die land te ondermyn,” het Geingob gesê.
Volgens statistiek het die lughawe verlede jaar 20 000 vliegtuie en 98 178 passasiers hanteer. Die nuwe passasierseindpunt kan die vloei van 200 passasiers per uur en een miljoen passasiers per jaar hanteer. Van die lughawe vind vlugte daagliks na Windhoek, Johannesburg en Kaapstad plaas.
Voorts word volgens Geingob onderneem om binnekort die treinspoor van Walvisbaai na Botswana te voltooi.
“Ons is duidelik van voorneme om te slaag en Walvisbaai kan hom beslis as ’n poort na Suider-Afrika beskou. Dit sal van onskatbare waarde vir bedrywighede op see, langs die kus en die mynbou in die streek wees,” het Geingob gesê.
Kommentaar
Republikein
Geen kommentaar is op hierdie artikel gelaat nie