Lufthansa staan in vir nuwe Eurowings Discover
Vir die volgende twee maande sal passasiers wat tussen Windhoek en Frankfurt reis, met Lufthansa vlieg.
Ronelle Rademeyer – Toe Lufthansa se Airbus A340-300 gisteroggend kort voor negeuur by die Internasionale Lughawe Hosea Kutako neerstryk, is dit met 'n watersaluut verwelkom.
Dié Duitse redery het immers sowat 20 jaar gelede laas 'n geskeduleerde vlug na Namibië onderneem.
Lufthansa het wel verlede jaar toe wêreldwye inperkingsmaatreëls met die aanvang van die pandemie in werking getree het, verskeie repatriasievlugte na Namibië onderneem om buitelanders huis toe te vlieg, sê mnr. Markus Pronath. Hy is Eurowings se woordvoerder in Namibië.
Pronath het gister by navraag verduidelik die Lufthansa-groep, wat tot nou toe sy Eurowings-vlugte na Namibië deur Brussels Airlines bedryf het, sal vanaf Augustus in 'n nuwe gedaante na Windhoek vlieg. Die groep se nuwe redery, Eurowings Discover, sal dan in bedryf wees, sê hy.
“Intussen staan Lufthansa vir Eurowings Discover in.”
Volgens Pronath wag die groep nog vir die uitreiking van die nuwe redery se lugdienssertifikaat.
Dié redery sal langafstandsvlugte op sewe roetes onderneem en hoofsaaklik gemik wees op toeriste wat vir ontspanning reis. Airbus A330's sal op hierdie roetes ingespan word.
Lufthansa se volgende vlug na Windhoek, LH570, vertrek vanaand om 21:50 uit Frankfurt en kom môreoggend om 08:50 by Hosea Kutako aan.
– [email protected]
FOTO
Terwyl die nuwe Eurowings Discover sy vere regskud om vanaf Augustus die roete tussen Windhoek en Frankfurt te bedien, staan Lufthansa vir hom in. Foto simpleflying.com
Dié Duitse redery het immers sowat 20 jaar gelede laas 'n geskeduleerde vlug na Namibië onderneem.
Lufthansa het wel verlede jaar toe wêreldwye inperkingsmaatreëls met die aanvang van die pandemie in werking getree het, verskeie repatriasievlugte na Namibië onderneem om buitelanders huis toe te vlieg, sê mnr. Markus Pronath. Hy is Eurowings se woordvoerder in Namibië.
Pronath het gister by navraag verduidelik die Lufthansa-groep, wat tot nou toe sy Eurowings-vlugte na Namibië deur Brussels Airlines bedryf het, sal vanaf Augustus in 'n nuwe gedaante na Windhoek vlieg. Die groep se nuwe redery, Eurowings Discover, sal dan in bedryf wees, sê hy.
“Intussen staan Lufthansa vir Eurowings Discover in.”
Volgens Pronath wag die groep nog vir die uitreiking van die nuwe redery se lugdienssertifikaat.
Dié redery sal langafstandsvlugte op sewe roetes onderneem en hoofsaaklik gemik wees op toeriste wat vir ontspanning reis. Airbus A330's sal op hierdie roetes ingespan word.
Lufthansa se volgende vlug na Windhoek, LH570, vertrek vanaand om 21:50 uit Frankfurt en kom môreoggend om 08:50 by Hosea Kutako aan.
– [email protected]
FOTO
Terwyl die nuwe Eurowings Discover sy vere regskud om vanaf Augustus die roete tussen Windhoek en Frankfurt te bedien, staan Lufthansa vir hom in. Foto simpleflying.com
Kommentaar
Republikein
Geen kommentaar is op hierdie artikel gelaat nie