LRON help jong kankerlyer
Land Rover Owners Namibia (LRON) het hulle oor ’n jong meisie ontferm en N$50 000 vir haar kankerbehandeling geskenk.
Weens Covid-19-uitdagings kon die skenking nou eers aan Dantel Swart se ouers oorhandig word.
Die Battle of the Brands vir kanker wat verlede gehou is, het 58 deelnemers gehad en die borge het ook aan boord gekom om die oorhandiging moontlik te maak.
Die sewejarige Dantel is op 24 weke gebore en het net 850 gram geweeg. Ten spyte hiervan het sy oorleef en ’n pragtige dogtertjie vol energie geword. Haar ouers se eie bondel liefde en geluk.
Sy is op 18 Julie verlede jaar met die kanker Ewing sarcoma gediagnoseer. Dit is ’n rare tumor wat in die bene of in die sagte weefsel tussen die bene soos die kraakbeen groei. Die kanker is geneeslik, maar wanneer dit eers lokaliseer kan dit egter ook aggressief wees en na ander bene, longe, hart en niere versprei. In Dantel se geval het die kanker na ’n long versprei en sy het haar eerste ronde chemoterapie laas jaar begin. Die tumor en ’n gedeelte van haar rib is in November verwyder en sy het vir twee weke bestraling ontvang.
Dantel is steeds in die Unitas-hospitaal in Pretoria waar sy behandeling ontvang. Die behandeling is amper voltooi en sy sal vir nog twee jaar vir opvolgbehandeling moet gaan.
Weens Covid-19-uitdagings kon die skenking nou eers aan Dantel Swart se ouers oorhandig word.
Die Battle of the Brands vir kanker wat verlede gehou is, het 58 deelnemers gehad en die borge het ook aan boord gekom om die oorhandiging moontlik te maak.
Die sewejarige Dantel is op 24 weke gebore en het net 850 gram geweeg. Ten spyte hiervan het sy oorleef en ’n pragtige dogtertjie vol energie geword. Haar ouers se eie bondel liefde en geluk.
Sy is op 18 Julie verlede jaar met die kanker Ewing sarcoma gediagnoseer. Dit is ’n rare tumor wat in die bene of in die sagte weefsel tussen die bene soos die kraakbeen groei. Die kanker is geneeslik, maar wanneer dit eers lokaliseer kan dit egter ook aggressief wees en na ander bene, longe, hart en niere versprei. In Dantel se geval het die kanker na ’n long versprei en sy het haar eerste ronde chemoterapie laas jaar begin. Die tumor en ’n gedeelte van haar rib is in November verwyder en sy het vir twee weke bestraling ontvang.
Dantel is steeds in die Unitas-hospitaal in Pretoria waar sy behandeling ontvang. Die behandeling is amper voltooi en sy sal vir nog twee jaar vir opvolgbehandeling moet gaan.
Kommentaar
Republikein
Geen kommentaar is op hierdie artikel gelaat nie