‘LP’s moet hul rykdom verduidelik’

Jemima Beukes – Opposisiepolitici is dit eens bekleërs van openbare ampte moenie net hul bates verklaar nie, maar moet ook rekenskap gee oor die oorsprong van hul welvaart.Dít kom nadat die minister van arbeid, nywerheidsbetrekkinge en werkskepping, mnr. Utoni Nujoma, in die parlement aangevoer het “beginsellose” elemente in die samelewing span kwaadwilliglik sy bateverklarings teen hom in die sosiale media in. “Ons moet voldoen aan die verklaring, maar soos ek vandag hier praat, word my verklaring deur politieke opponente op Facebook versprei, en ek wil graag verseker word daar sal ’n opvolg wees om vas te stel wie dit gedoen het,” het Nujoma onlangs in die Nasionale Vergadering (NV) gesê.Volgens hom is dit onregverdig dat LP’s uit die bateverklarings aanhaal en lede in die parlement hieroor uitvra.‘Moenie vrees nie’Prof. Peter Katjavivi, die speaker, het ’n beroep op LP’s gedoen om die wet te gehoorsaam en hul bates te verklaar.Hy het vir Nujoma gerusgestel dat dit wat deur die parlement geberg word, is onderworpe aan die nodige toesig en beheer.“Kom ek verseker jou. Dit is baie belangrik. Ek dink wat belangrik is, is wat jy in staat is om te verklaar en volgens wet sal ons dit in ons besit hou en die gedeelte vir die publiek sal beskikbaar gestel word vir openbare betragting.“Moenie enige vrees hê nie; dié is ’n jaarlikse oefening, maar ons is agter en ons moet die wet nakom,” het Katjavivi gesê.‘Lewer bewyse’Die leier van die Landless People’s Movement (LPM), mnr. Bernadus Swartbooi, sê dit is van kardinale belang dat bekleërs van openbare ampte nie net hul bates verklaar nie, maar ook verduidelik hoe hulle dit bekom het – veral met die oog op die Nuwe Wetsontwerp vir Gelyke Ekonomiese Bemagtiging (Neeef). “Jy moet verduidelik wie het jou gehelp om daardie bates te bekom. Jy moet verduidelik hoe lank het dit jou geneem om daardie bates bymekaar te maak en of dit op ’n eerlike en regverdige manier geskied het. Nou wat hulle Neeef wil inbring, sou ons wou weet waar mense die geld gekry het om 40% in ’n private maatskappy te koop. Ons wil weet wie die sakevennote is.”Volgens dié opposisieleier wek dit agterdog wanneer ’n openbare ampsbekleër nie openbare betragting kan hanteer nie. “Jy kan nie huil oor ’n openbare verklaring wat in die openbare domein is nie. Hierdie goed moet openbaar gemaak word sodat ons kan verduidelik hoe ons hierdie bates bekom het.” Beperk onbehoorlike verrykingDie leier van die Popular Democratic Movement (PDM), mnr. McHenry Venaani, stem saam die grondslag vir die verklaring van bates is om onbehoorlike verryking hok te slaan.Daarnaas het dit ook ten doel om binnehandel deur openbare ampsbekleërs teen te werk. “Derhalwe is dit uiters lagwekkend vir ’n houer van ’n openbare amp om te probeer om betragting te beperk. Wat moet verbeter, is bateverklaring om groter deursigtigheid toe te laat.” - jemima@namibiansun.com

‘LP’s moet hul rykdom verduidelik’

Kommentaar

Republikein 2026-06-25

Meld asseblief aan om kommentaar te lewer

‘LP’s moet hul rykdom verduidelik’

Kommentaar

Republikein 2026-06-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.