LPM verklaar oorlog
Die leier van die jongste toevoeging tot die politieke toneel het gister gal gebraak oor die regerende party.
Denver Kisting
Die leier van die Landless People's Movement (LPM) sê Swapo en die United Democratic Front (UDF) is die twee hooffigure in sy visier.
Mnr. Bernadus Swartbooi het gister namens dié nuwe politieke party teen veral die UDF oorlog verklaar.
Swartbooi het gisteroggend op 'n nuuskonferensie in die hoofstad gereageer op beweringe dat die LPM handtekeninge vervals in 'n poging om die grootte van sy steun – veral uit die geledere van die regerende party – aan te dik.
Dié gewese adjunkminister van grondhervorming sê dit is laf dat die LPM van bedrog beskuldig word terwyl hy hom beywer om korrupsie met wortel en tak in Namibië uit te roei.
Volgens hom is hulle nie gekant teen besware wat mense by die Verkiekiesingskommissie (ECN) aanhangig maak nie.
Maar, maan hy, besware moet geskoei wees op wesenlike kwessies wat spruit uit voldoende feitelike bewyse.
Volgens hom is wesentlike kwessies aangeleenthede wat die vrede en bestendigheid van die land in die gedrang kan bring.
Swartbooi het voorts beweer Swapo het gister 'n vergadering belê.
Tydens dié vergadering sou streekskoördineerders glo verplig word om verklarings af te lê wat aandui hul handtekeninge is vervals, sou hul name op LPM-partylyste opduik.
Dié vuurvreter sê die LPM het dit nie teen vergaderings om hulle te bespreek nie. Hulle belê self byeenkomste om oor ander politieke partye te gesels. “Maar dit is onaanvaarbaar om te vergader om die LPM en sy gesante te belaster.”
Enigiemand wat hulle aan dié gedrag skuldig maak, moet reg wees om voor die hof gedaag te word, het hy gesê. “Ons sal die individu en sy politieke party hof toe sleep.”
Swartbooi sê onder hul lede tel oudspeurders, wat eersdaags ingespan sal word om 'n “ordentlike ondersoek” te gelas na beweerde onwettige optrede deur Swapo se 14 streekskoördineerders.
Hy sê dit sal 'n “regstreekse en toegewyde” ondersoek wees, wat na verwagting twee maande behoort te duur.
Swapo maak hom aan onbehoorlike gedrag skuldig deur van lede te verwag om te verklaar die enigste manier hoe hul name op 'n LPM-lys kan verskyn, is weens vervalsing, het die politikus benadruk. “Ons sal hulle hof toe sleep. Ons is nie hier vir snaakse goed nie.”
Hy het voorts beweer hulle het inligting ontvang mense in sekere streke word in harde kontant betaal om LPM-getalle laag te hou.
Aantygings doen ook die ronde dat van hul ander lede elders uitgevra word oor hoekom hul name op die LPM se lys verskyn.
Hy sê dié gedrag druis in teen die grondwetlike beginsel van vryheid van vereenselwiging.
Sekere politieke partye maak asof Namibiërs hul eiendom is, het hy voorts uitgevaar.
Swartbooi sê hy wonder hoekom Swapo soveel slaap verloor oor die LPM se registrasie – veral omdat die regerende party aanvoer hy is “baie sterk”.
Die werklikheid is huidige Swapo-ministers, -adjunkministers, -LP's en oudparlementariërs is van die LPM se vernaamste bronne. “Hulle verskaf baie belangrike inligting oor hul eie mense.”
Swartbooi het gesê die LPM is ook bekommerd dat dit blyk die weermag word deesdae teen gewone misdaad ingespan. “Indien die weermag verpolitiseer word, soos wat hulle doen, waarsku ek hulle. Dit is die gevaarlikste ding wat die vasteland al gesien het.”
Hy het ook gesê sou dit waar wees dat Swapo vlugtelinge met weermagvervoer aanry met die belofte van burgerskap sou hulle vir die regerende party stem, is dit “gevaarlik en giftig”.
Die sekretaris-generaal van Swapo, me. Sophia Shangingwa, het gistermiddag aan Republikein gesê sy weet van g'n sout of water nie. “Ek dink soos jy met my gepraat het, kon jy die beweging van 'n voertuig hoor. Ek het geen idee van die vergadering waarvan jy praat nie. Ek is op pad van ver af.
“Waar ek ookal is, ek sê nie vir mense waar ek is nie of waarheen ek op pad is nie. Maar jy kon hoor ek beweeg. Ek het geen idee waarvan jy praat nie.”
Die leier van die Landless People's Movement (LPM) sê Swapo en die United Democratic Front (UDF) is die twee hooffigure in sy visier.
Mnr. Bernadus Swartbooi het gister namens dié nuwe politieke party teen veral die UDF oorlog verklaar.
Swartbooi het gisteroggend op 'n nuuskonferensie in die hoofstad gereageer op beweringe dat die LPM handtekeninge vervals in 'n poging om die grootte van sy steun – veral uit die geledere van die regerende party – aan te dik.
Dié gewese adjunkminister van grondhervorming sê dit is laf dat die LPM van bedrog beskuldig word terwyl hy hom beywer om korrupsie met wortel en tak in Namibië uit te roei.
Volgens hom is hulle nie gekant teen besware wat mense by die Verkiekiesingskommissie (ECN) aanhangig maak nie.
Maar, maan hy, besware moet geskoei wees op wesenlike kwessies wat spruit uit voldoende feitelike bewyse.
Volgens hom is wesentlike kwessies aangeleenthede wat die vrede en bestendigheid van die land in die gedrang kan bring.
Swartbooi het voorts beweer Swapo het gister 'n vergadering belê.
Tydens dié vergadering sou streekskoördineerders glo verplig word om verklarings af te lê wat aandui hul handtekeninge is vervals, sou hul name op LPM-partylyste opduik.
Dié vuurvreter sê die LPM het dit nie teen vergaderings om hulle te bespreek nie. Hulle belê self byeenkomste om oor ander politieke partye te gesels. “Maar dit is onaanvaarbaar om te vergader om die LPM en sy gesante te belaster.”
Enigiemand wat hulle aan dié gedrag skuldig maak, moet reg wees om voor die hof gedaag te word, het hy gesê. “Ons sal die individu en sy politieke party hof toe sleep.”
Swartbooi sê onder hul lede tel oudspeurders, wat eersdaags ingespan sal word om 'n “ordentlike ondersoek” te gelas na beweerde onwettige optrede deur Swapo se 14 streekskoördineerders.
Hy sê dit sal 'n “regstreekse en toegewyde” ondersoek wees, wat na verwagting twee maande behoort te duur.
Swapo maak hom aan onbehoorlike gedrag skuldig deur van lede te verwag om te verklaar die enigste manier hoe hul name op 'n LPM-lys kan verskyn, is weens vervalsing, het die politikus benadruk. “Ons sal hulle hof toe sleep. Ons is nie hier vir snaakse goed nie.”
Hy het voorts beweer hulle het inligting ontvang mense in sekere streke word in harde kontant betaal om LPM-getalle laag te hou.
Aantygings doen ook die ronde dat van hul ander lede elders uitgevra word oor hoekom hul name op die LPM se lys verskyn.
Hy sê dié gedrag druis in teen die grondwetlike beginsel van vryheid van vereenselwiging.
Sekere politieke partye maak asof Namibiërs hul eiendom is, het hy voorts uitgevaar.
Swartbooi sê hy wonder hoekom Swapo soveel slaap verloor oor die LPM se registrasie – veral omdat die regerende party aanvoer hy is “baie sterk”.
Die werklikheid is huidige Swapo-ministers, -adjunkministers, -LP's en oudparlementariërs is van die LPM se vernaamste bronne. “Hulle verskaf baie belangrike inligting oor hul eie mense.”
Swartbooi het gesê die LPM is ook bekommerd dat dit blyk die weermag word deesdae teen gewone misdaad ingespan. “Indien die weermag verpolitiseer word, soos wat hulle doen, waarsku ek hulle. Dit is die gevaarlikste ding wat die vasteland al gesien het.”
Hy het ook gesê sou dit waar wees dat Swapo vlugtelinge met weermagvervoer aanry met die belofte van burgerskap sou hulle vir die regerende party stem, is dit “gevaarlik en giftig”.
Die sekretaris-generaal van Swapo, me. Sophia Shangingwa, het gistermiddag aan Republikein gesê sy weet van g'n sout of water nie. “Ek dink soos jy met my gepraat het, kon jy die beweging van 'n voertuig hoor. Ek het geen idee van die vergadering waarvan jy praat nie. Ek is op pad van ver af.
“Waar ek ookal is, ek sê nie vir mense waar ek is nie of waarheen ek op pad is nie. Maar jy kon hoor ek beweeg. Ek het geen idee waarvan jy praat nie.”
Kommentaar
Republikein
Geen kommentaar is op hierdie artikel gelaat nie