Los TransNamib uit, sê vakbond
'n Vakbond eis die afdanking van die TransNamib-direksie en vra die lynministerie moet die bestuur van die nasionale spoorwegmaatskappy oorneem.
Augetto Graig - Leiers van die Namibiese Vervoerwerkersunie (Natau) is woedend oor berigte dat die nasionale spoorwegmaatskappy, TransNamib, geprivatiseer of ontbind sal word.
Dit is ook ten sterkste gekant teen enige planne om dele van die staatsonderneming ten koste van 723 werksgeleenthede te sluit.
“Is ons gevra hieroor; ek of jy wat die ware eienaars van die nasionale bate is?” wou Natau se sekretaris-generaal, mnr. John Kwedhi, weet. Hy het Donderdag by die vakbond se hoofkantore in Katutura gekla dat Natau geen amptelike inligting oor verwikkelinge by TransNamib ontvang het nie, desondanks sy status as die erkende onderhandelaar vir die spoorwegwerkers.
Hy sê Natau vind deur middel van mediaberigte uit van planne om groot dele van TransNamib te sluit of verkoop. Die planne is in die openbaar genoem deur die voorsitter van die TransNamib-raad, mnr. Paul Smit, en meer onlangs het die minister van staatsondernemings, mnr. Leon Jooste, ook oor die moontlikhede gepraat. “Tot nou toe is die vakbond glad nie ingelig oor hoe arbeidskwessies deur die voorstelle geraak sal word nie,” het Kwedhi gesê.
Volgens Kwedhi het die TransNamib-raad ingevolge die toepaslike wette in elk geval nie die reg om die maatskappy te herstruktureer of te verklein nie, ten minste nie sonder die toestemming van die lynministerie nie. “Ons wonder of die wet toegepas of aan voldoen word,” het hy gesê. Kwedhi plaas die blaam vir die spoorwegmaatskappy se huidige toestand voor die raad se deur. “Die raad se gedrag dien nie in die belang van hierdie nasie nie. Ons weet nie in wie se belang hulle dien nie,” het hy gesê.
Die vakbond doen 'n beroep op die regering om binne twee weke in te gryp, anders sal dit self die vereiste veranderinge maak. “TransNamib is deur die werkers opgebou, nie deur bestuurders nie. Ons het die vermoë om die onderneming te bestuur en as hulle nie reageer nie, sal ons dit self doen,” sê hy.
Hy wil ook weet hoekom Smit self briewe aan TransNamib-bestuur skryf om hulle af te dank, terwyl werkskwessies gewoonlik deur die maatskappy se department vir menslike hulpbronne hanteer word.
“Dit is walglik dat swart bestuurders kennisgewings van die raadsvoorsitter en sy medepligtiges moet ontvang om hulle in te lig dat hul kontrakte nie hernu sal word nie. Is daar geen wit bestuurders by TransNamib nie? Hoekom word hul name nie genoem nie? Hoekom kry hulle nie soortgelyke kennisgewings nie?” Volgens Kwedhi is dit 'n belediging wat voorgee dat die geldelike probleme van die spoorweë als die skuld van swart bestuurders is. “As die geldelike probleme van TransNamib die bestuur se skuld is, moet alle koppe onmiddellik rol, ongeag hulle swart of wit is,” sê hy.
Die vakbond eis dat TransNamib onmiddellik onder die bestuur van die ministerie van werke en vervoer geplaas word totdat stabiliteit weer heers. Dit eis ook die afdanking van die raad weens 'n tekort aan nodige leierskap. “Ons versoek die regering om te verseker ons nasionale bates bly in die hande van die nasie. Maak seker dat diegene wat vertrou word met die leiding en oorsig van staatsondernemings, die toepasbare wette volg, maar ook die sosiale, politieke en ekonomiese behoeftes van die land in ag neem.”
Dit is ook ten sterkste gekant teen enige planne om dele van die staatsonderneming ten koste van 723 werksgeleenthede te sluit.
“Is ons gevra hieroor; ek of jy wat die ware eienaars van die nasionale bate is?” wou Natau se sekretaris-generaal, mnr. John Kwedhi, weet. Hy het Donderdag by die vakbond se hoofkantore in Katutura gekla dat Natau geen amptelike inligting oor verwikkelinge by TransNamib ontvang het nie, desondanks sy status as die erkende onderhandelaar vir die spoorwegwerkers.
Hy sê Natau vind deur middel van mediaberigte uit van planne om groot dele van TransNamib te sluit of verkoop. Die planne is in die openbaar genoem deur die voorsitter van die TransNamib-raad, mnr. Paul Smit, en meer onlangs het die minister van staatsondernemings, mnr. Leon Jooste, ook oor die moontlikhede gepraat. “Tot nou toe is die vakbond glad nie ingelig oor hoe arbeidskwessies deur die voorstelle geraak sal word nie,” het Kwedhi gesê.
Volgens Kwedhi het die TransNamib-raad ingevolge die toepaslike wette in elk geval nie die reg om die maatskappy te herstruktureer of te verklein nie, ten minste nie sonder die toestemming van die lynministerie nie. “Ons wonder of die wet toegepas of aan voldoen word,” het hy gesê. Kwedhi plaas die blaam vir die spoorwegmaatskappy se huidige toestand voor die raad se deur. “Die raad se gedrag dien nie in die belang van hierdie nasie nie. Ons weet nie in wie se belang hulle dien nie,” het hy gesê.
Die vakbond doen 'n beroep op die regering om binne twee weke in te gryp, anders sal dit self die vereiste veranderinge maak. “TransNamib is deur die werkers opgebou, nie deur bestuurders nie. Ons het die vermoë om die onderneming te bestuur en as hulle nie reageer nie, sal ons dit self doen,” sê hy.
Hy wil ook weet hoekom Smit self briewe aan TransNamib-bestuur skryf om hulle af te dank, terwyl werkskwessies gewoonlik deur die maatskappy se department vir menslike hulpbronne hanteer word.
“Dit is walglik dat swart bestuurders kennisgewings van die raadsvoorsitter en sy medepligtiges moet ontvang om hulle in te lig dat hul kontrakte nie hernu sal word nie. Is daar geen wit bestuurders by TransNamib nie? Hoekom word hul name nie genoem nie? Hoekom kry hulle nie soortgelyke kennisgewings nie?” Volgens Kwedhi is dit 'n belediging wat voorgee dat die geldelike probleme van die spoorweë als die skuld van swart bestuurders is. “As die geldelike probleme van TransNamib die bestuur se skuld is, moet alle koppe onmiddellik rol, ongeag hulle swart of wit is,” sê hy.
Die vakbond eis dat TransNamib onmiddellik onder die bestuur van die ministerie van werke en vervoer geplaas word totdat stabiliteit weer heers. Dit eis ook die afdanking van die raad weens 'n tekort aan nodige leierskap. “Ons versoek die regering om te verseker ons nasionale bates bly in die hande van die nasie. Maak seker dat diegene wat vertrou word met die leiding en oorsig van staatsondernemings, die toepasbare wette volg, maar ook die sosiale, politieke en ekonomiese behoeftes van die land in ag neem.”
Kommentaar
Republikein
Geen kommentaar is op hierdie artikel gelaat nie