Lorriedrywers neem aanstoot oor MIV-stigma
Die vakbond vir vragmotorbestuurders sê drywers word ongeregverdig as verspreiders van MIV/vigs beskuldig en dit het onder meer 'n uiters negatiewe impak op hulle én hul families.
Jemima Beukes – Die lorriebestuurders se vakbond Solidariteit het ’n beroep op verslaggewers, navorsers en voorspraakgroepe gedoen om op te hou om hulle vir die verspreiding van MIV/vigs te blameer.
Solidariteit se leier, mnr. Joseph Garoeb, sê lorriebestuurders kan nie langer die blaam vir MIV/vigs dra nie en sê hul families word weens die stigma uitmekaargeskeur.
“As mense sê dit is die lorriebestuurders wat vigs die land inbring, kyk ons vroue en kinders na ons en wonder of dit ons insluit. Inteendeel, sommige lede sê hul vroue dring aan dat hulle kondome gebruik as gevolg van hierdie mediaberigte,” het hy gesê.
Volgens hom is sommige van die 500 lorriedrywers wat tot die vakbond behoort, nou bang van om “hul nekke in die openbaar uit te steek”.
Mnr. Ismael Nanub, wat reeds vir sowat 38 jaar lorries bestuur, sê hy kan nie eens ’n koppie tee of koeldrank met sy kinders deel nie as gevolg van die persepsie wat deur dié berigte geskep word.
“Ons kinders word by die skool geboelie en vertel ‘jou pa is siek, moenie met ons speel nie, jy sal ons ook siek maak’. Ons vrouens wil kondome gebruik en selfs al sê ons dat ons saam vir ’n toets moet gaan, vertrou hulle ons steeds nie,” sê hy.
Mnr. Erastus Witbeen, wat al meer as 27 jaar 'n lorriedrywer is, sê die regering moet die ministers toets wat vir amptelike sake na ander lande gaan.
“Ons weet ook sommoge ministers dra siektes en is betrokke by mense, hoekom word hulle nie ook soos lorriebestuurders in die kalklig geplaas nie,” het Witbeen gevra.
Nog ’n lid van die vakbond, mnr. Reinhardt Ochs, sê dit blyk vigsaktiviste beeld lorriebestuurders as die sondebokke uit.
“Hoekom kan hulle nie die Verenigde Nasies se oorgangsbystandsgroep (Untag) hiermee verbind nie? Ons weet voor Untag het ons mense ook lorries bestuur en daar was nie vigs nie, maar nou, ná Untag, versprei vigs. Hoekom word polisiebeamptes wat vir maande op vredesendings gaan, nie ondervra of gevallestudies oor gedoen nie? Is die lorriedrywersektor ’n maklike teiken?” het Ochs gevra.
Ochs het ook ’n beroep gedoen op aktiviste wat lorriebestuurders daarvan beskuldig dat hulle jong meisies as sekslawe aanhou, om met bewyse vorendag te kom.
“Laat hulle kom en ons vertel watter man het watter meisie na watter plek geneem. Hulle kan nie net sulke algemene stellings maak nie. Op die ou end is ons kinders agterdogtig oor ons en selfs ons vroue wonder of hulle saam met pedofiele woon. Dit is absoluut onregverdig,” het hy gesê.
Beide streeks- en plaaslike organisasies werk daaraan om die uitdagings van lorriebestuurders te verbeter – veral as dit kom by stilhouplekke vir lorries waar daar dikwels ’n oorvloed sekswerkers beskikbaar is.
In 2014 het die Walvisbaai Korridorgroep ’n kliniek vir lorriebestuurders geopen. Johnny Smith, die destydse groephoof, het gesê die groep “probeer om aan die gesondheidsbehoeftes van lorriebestuurders te voldoen wat ’n risiko loop om met MIV besmet te raak. Die gesondheidsentrum is strategies geleë om na die behoeftes van lorriebestuurders om te sien wat skaars kans kry om hulle van hul gesondheidstatus te vergewis. Dit sal ook ’n diens aan Angolese bied wat oorgrens in Namibië werk.”
’n Studie deur die “Joernaal van Infeksie en Openbare Gesondheid” het die behoefte beklemtoon om voortdurend MIV-inligting en voorkomingsveldtogte van stapel te stuur. Dit moet fokus op die spesiale behoeftes van werknemers wat in die substreek rondbeweeg. In die studie is ook gesê dat private kontrakteurs nie genoeg steun aan hul werknemers verleen nie.
Solidariteit se leier, mnr. Joseph Garoeb, sê lorriebestuurders kan nie langer die blaam vir MIV/vigs dra nie en sê hul families word weens die stigma uitmekaargeskeur.
“As mense sê dit is die lorriebestuurders wat vigs die land inbring, kyk ons vroue en kinders na ons en wonder of dit ons insluit. Inteendeel, sommige lede sê hul vroue dring aan dat hulle kondome gebruik as gevolg van hierdie mediaberigte,” het hy gesê.
Volgens hom is sommige van die 500 lorriedrywers wat tot die vakbond behoort, nou bang van om “hul nekke in die openbaar uit te steek”.
Mnr. Ismael Nanub, wat reeds vir sowat 38 jaar lorries bestuur, sê hy kan nie eens ’n koppie tee of koeldrank met sy kinders deel nie as gevolg van die persepsie wat deur dié berigte geskep word.
“Ons kinders word by die skool geboelie en vertel ‘jou pa is siek, moenie met ons speel nie, jy sal ons ook siek maak’. Ons vrouens wil kondome gebruik en selfs al sê ons dat ons saam vir ’n toets moet gaan, vertrou hulle ons steeds nie,” sê hy.
Mnr. Erastus Witbeen, wat al meer as 27 jaar 'n lorriedrywer is, sê die regering moet die ministers toets wat vir amptelike sake na ander lande gaan.
“Ons weet ook sommoge ministers dra siektes en is betrokke by mense, hoekom word hulle nie ook soos lorriebestuurders in die kalklig geplaas nie,” het Witbeen gevra.
Nog ’n lid van die vakbond, mnr. Reinhardt Ochs, sê dit blyk vigsaktiviste beeld lorriebestuurders as die sondebokke uit.
“Hoekom kan hulle nie die Verenigde Nasies se oorgangsbystandsgroep (Untag) hiermee verbind nie? Ons weet voor Untag het ons mense ook lorries bestuur en daar was nie vigs nie, maar nou, ná Untag, versprei vigs. Hoekom word polisiebeamptes wat vir maande op vredesendings gaan, nie ondervra of gevallestudies oor gedoen nie? Is die lorriedrywersektor ’n maklike teiken?” het Ochs gevra.
Ochs het ook ’n beroep gedoen op aktiviste wat lorriebestuurders daarvan beskuldig dat hulle jong meisies as sekslawe aanhou, om met bewyse vorendag te kom.
“Laat hulle kom en ons vertel watter man het watter meisie na watter plek geneem. Hulle kan nie net sulke algemene stellings maak nie. Op die ou end is ons kinders agterdogtig oor ons en selfs ons vroue wonder of hulle saam met pedofiele woon. Dit is absoluut onregverdig,” het hy gesê.
Beide streeks- en plaaslike organisasies werk daaraan om die uitdagings van lorriebestuurders te verbeter – veral as dit kom by stilhouplekke vir lorries waar daar dikwels ’n oorvloed sekswerkers beskikbaar is.
In 2014 het die Walvisbaai Korridorgroep ’n kliniek vir lorriebestuurders geopen. Johnny Smith, die destydse groephoof, het gesê die groep “probeer om aan die gesondheidsbehoeftes van lorriebestuurders te voldoen wat ’n risiko loop om met MIV besmet te raak. Die gesondheidsentrum is strategies geleë om na die behoeftes van lorriebestuurders om te sien wat skaars kans kry om hulle van hul gesondheidstatus te vergewis. Dit sal ook ’n diens aan Angolese bied wat oorgrens in Namibië werk.”
’n Studie deur die “Joernaal van Infeksie en Openbare Gesondheid” het die behoefte beklemtoon om voortdurend MIV-inligting en voorkomingsveldtogte van stapel te stuur. Dit moet fokus op die spesiale behoeftes van werknemers wat in die substreek rondbeweeg. In die studie is ook gesê dat private kontrakteurs nie genoeg steun aan hul werknemers verleen nie.
Kommentaar
Republikein
Geen kommentaar is op hierdie artikel gelaat nie