Looser weer eens bobaas deur die Namib

Tielman van Lill - Konny Looser, die vlieënde Switser van Girenbad, het Saterdag sy 2015 Nedbank Desert Dash solo-titel suksesvol verdedig toe hy om 05:40 in ''n tyd van 14 ure 37 minute en 45 sekondes oor die eindstreep in Swakopmund gery het.Solo-afdelingsLooser (Team Adrian & Meyer) wat verlede jaar die Dash (369 km) in 'n tyd van 15:03:20 gewen het, het vanjaar nog sterker teruggekom om 26 minute van sy vorige tyd af te knyp. Looser se sterkste opposisie was beslis Andreas Seewald, die Duitse langafstandkampioen, wat tweede in 'n tyd van 14:59:21 geëindig het, terwyl Jaco Davel van Suid-Afrika se tyd van 15:42:19 aan hom die derde posisie besorg het. Die eerste Namibiër wat as soloryer klaargemaak het, is Stefan van Doorn (Team Cymot Scott 2) wat sewende in ''n tyd van 17:48:10 geplaas is. Net 106 ryers van die 163 wat weggespring het, het die roete suksesvol voltooi.Die wenner in die solo-afdeling vir vroue is Rebacca Robisch (Duitsland), wat die Namibiërs Adele de la Rey (tweede, 18:47:28) en Anri Parker (derde, 21:21:27), in ''n tyd van 17:48:10 vir die eerste plek geklop het. In beidedie mans- en vroue-afdelings ontvang die eerste, tweede en derde plek onderskeidelik N$32 000, N$18 000 en N$12 000. René Schoeman, die 2015-wenner, kon ongelukkig nie die Dash voltooi nie. Net agt van die oorspronklike 18 inskrywings onder die vroue het die moordende marathon baasgeraak.TweemanspanneDie manspan (Team MBM 2 Man) van Tjipe Murangi (Namibië) en Max Knox (RSA) het behoorlik die pap dik aangemaak. Hul wentyd van 14:52:11 is tien minute vinniger as Liam de Klerk en Aiden van Niekerk (RSA) se 16:04:56, wat tweede geëindig het. Robert Schaaf (Nam) en Adriaan Louw (RSA) behaal die derde posisie met ''n tyd van 16:13:42.Nichol Jordaan, die solokampioen van 2014, en sy meisie, Jana Kruger (beide van die RSA), het in die gemengde afdeling met ''n tyd van 17:40:22 gewen. Tweede was Nadine Visagie (RSA) en Axel Theissen (18:33:32) met Gustav en Sylvia van Tromp (19:05:43) derde.Die eerste ryers oor die wenstreep in die vroue-afdeling was die span van Cymot Chicks, Vera Adrian (Nam) en Lise Olivier (RSA) wat die eerste plek in ''n tyd van 16:56:41 opgeraap het terwyl die Namibiërs Johanita de Waal en Wilmien Chamberlain (Hollard Chicks) tweede met 18:34:27 was. Anneke Steenkamp en Maike Bochert (Nam) se tyd van 19:10:01 besorg aan hulle die derde plek.ViermanspanneEerste plek vir mans (14:52:48): Marcel Holtz, Xavier Papo, Alex Miller en Tristan de Lange (Nam) van Team Mannies Bike Mecca (MBM) het opnuut stof in hul opposisie se oë geskop toe hulle bykans ''n uur en 32 min voor André Christensen, Louis Prins (RSA), Jaco Lamprecht en Clinton Hilfiker (Nam) van Team Hollard Spoednicks (16:26:26) oor die eindstreep is. Gregg en Stephen Chase, Steven Paschke (Nam) en Richard Meeks (Brittanje) was derde in ''n tyd van 16:37:04 gewen.Natascha Keuhl, Estelle Lambert (Nam), Jax Coetzee en Melva Steenkamp (RSA) oorheers die vroue-afdeling in ''n tyd van 18:56:50 terwyl Elfriede Schuhbauer, Britta Diehl, Laura Schwarz (Duitsland) en Katarzyna Hage (Pole) tweede met ''n tyd van 21:03:19 geplaas word. Derde is Louise Laas, Michelle Harmse (Nam), Caroline Viljoen en Helene Nepgen (RSA) in ''n tyd van 21:43:51.Die gemengde afdeling word deur Team Kia Elite se Martin Fryer, Michelle Vorster, Fanie Steenkamp en die veteraan Piet Swiegers (Nam) in ''n vinnige tyd van 14:38:10 oorheers. Tweede is Cycletec PSG (15:46:42) se Till Drobisch, Wim Steenkamp, Norbert Myer (Nam) en Genevieve Weber van Suid-Afrika. Die derde plek (16:03:34) behoort aan Ian en Elanor Grassow, Stefan Bohlke en Hans du Toit.Die tandem-afdeling vir mans is deur die Sea Pride-span van Siegmund Mengerssen (RSA) en Hilko Marschall (Nam) gewen (20:44:12), terwyl Piet Laubcher en Zanri Rossouw (RSA) die gemengde afdeling met ''n tyd van 21:23:47 inpalm.Looser, wat enduit die pas aangegee het, het gesê dat hy nie volgende jaar sal terug wees om sy titel te verdedig nie. Volgens hom is dit in sy afseisoen en sal hy sy liggaam moet laat rus.“Dit was weer ''n taai stryd met die wind gewees, maar ek het geweet hoe om my pas te hou. Net soos verlede jaar is ek ingenome met my oorwinning, maar sal nie terug wees om my titel vir die derde jaar te verdedig nie,” het Looser gesê.Kirsty Brits (Team Sivo) van Swakopmund het op die eerste gedeelte van die roete geval en haar bekkenbeen gebreek. Johan Pieters, nog ''n Swakopmunder, van span Sandvik, het beserings in ''n val in dieselfde trajek opgedoen en word tans in die Lady Pohamba-hospitaal behandel. Volgens inligting sal hy binne ''n paar dae na ''n algemene saal oorgeplaas word waar hy verder sal aansterk.

Looser weer eens bobaas deur die Namib

Kommentaar

Republikein 2025-12-17

Meld asseblief aan om kommentaar te lewer

Looser weer eens bobaas deur die Namib

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.