Looser beloof Afrika haar beste
Die Namibiese kampioen is vasberade om op haar eentjie haar versameling van medaljes by Afrika-kampioenskappe uit te brei.
Andrew Poolman – 'n Kontinentale medalje van enige kleur – of dalk selfs twee – sal selfs 'n meer besondere en onverwagse prestasie as normaalweg wees vir die Namibiese Fietsryfederasie (NCF), wat geen span na die Afrika-padfietskampioenskap in Egipte gestuur het nie.
Vera Looser is die enigste Namibiese ryer in die Egiptiese hoofstad Kaïro, nadat die NCF vroeër sy kampioeneryers toestemming gegee het om die reis op eie houtjie aan te pak, maar met Covid-19 as een van die hoofredes besluit het dat veiligheid nie gewaarborg kan word om 'n amptelike volwaardige span te stuur nie.
Die 27-jarige Looser (nooiensvan Adrian) sal vandag in die individuele tydtoets meeding, gevolg deur Saterdag se padresies.
“Dit is hartseer en ek mis beslis die ander Namibiërs wat gewoonlik hier meeding. Maar ja, dis moeilike tye en finansieel kan 'n mens uiteraard nie van almal verwag om op eie stoom die reis aan te pak nie,” het Looser gister uit Kaïro laat weet.
“Ná die NCF se besluit om geen span te stuur nie, het ek aanvanklik gereken ek sou dit nie kon bywoon nie. Maar dit het aanhoudend deur my gedagtes gegaan dat Egipte nie berge het nie en dat die plat roete my dus goed sou pas.
“Ek is boonop tans baie goed op dreef en het dus 'n plan beraam en het my afrigter (Christian Eminger) as bestuurder saamgebring om my by te staan. Heel op my eie sou ek beslis nie reggekom het nie.
“Ons het Maandag na die roete gaan kyk en tot my ontnugtering ontdek dit is glad nie plat nie! Daar is een heuwel naby Kaïro wat as die klimgedeelte en afdraand van drie-en-'n-half kilometer herhaal word op elkeen van die twee rondtes van 14 km tydens die tydtoets ( 28 km), asook Saterdag se padresies van 98 km (sewe keer).
“En dit is nie asof ek nie my huiswerk gedoen het nie. Die oorspronklike roete verskil hemelsbreed van die een waarop die organiseerders 'n paar dae gelede besluit het!
“Die tydtoets het omtrent 400 meter se klimwerk, wat nogal baie is.
“Die nuwe roetes pas my glad nie, maar ek sal nogtans my beste lewer.
“Verder verloop dinge heel goed en ons bly in 'n goeie hotel wat deur die organiseerders verskaf is.
“Hier is verbasend baie lande verteenwoordig; meer as wat ek verwag het. Ek dink die enigste groot fietsryland wat nie hier is nie, is Eritrea; verder is almal hier. Suid-Afrika het nogal 'n groot span gestuur.
“Ek hoop volgende jaar kan Namibië wel 'n span stuur, want ons het tans werklik goeie ryers in die land. Dit sal lekker wees om meer Namibiërs geleentheid te gee om op hierdie vlak te kompeteer.”
Looser, wat verlede maand vir die negende keer die nasionale padresies gewen het, is ook 'n bewese krag op kontinentale vlak.
Die hoogtepunt was in 2016, toe sy in die opbou na die Olimpiese Spele in Rio de Janeiro die Afrika-goud in beide die tydtoets én die padresies beklink het.
In 2019 in Marokko – die laaste weergawe, voordat Covid-19 verlede jaar se planne uitgevee het – het Looser bronsmedaljes in beide dissiplines bygevoeg. Die Namibiër se vorige Afrika-medaljes was in 2013 (padresies silwer en tydtoets brons) en 2012 (tydtoets brons).
Sover bekend is die 2019-padresieskampioen, Mossana Debesai, soos die res van die Eritreërs afwesig. Die titelhouer in die tydtoets, Maroesjka Matthee, is wel weer lid van Suid-Afrika se gedugte span.
– [email protected]
w
Vera Looser is die enigste Namibiese ryer in die Egiptiese hoofstad Kaïro, nadat die NCF vroeër sy kampioeneryers toestemming gegee het om die reis op eie houtjie aan te pak, maar met Covid-19 as een van die hoofredes besluit het dat veiligheid nie gewaarborg kan word om 'n amptelike volwaardige span te stuur nie.
Die 27-jarige Looser (nooiensvan Adrian) sal vandag in die individuele tydtoets meeding, gevolg deur Saterdag se padresies.
“Dit is hartseer en ek mis beslis die ander Namibiërs wat gewoonlik hier meeding. Maar ja, dis moeilike tye en finansieel kan 'n mens uiteraard nie van almal verwag om op eie stoom die reis aan te pak nie,” het Looser gister uit Kaïro laat weet.
“Ná die NCF se besluit om geen span te stuur nie, het ek aanvanklik gereken ek sou dit nie kon bywoon nie. Maar dit het aanhoudend deur my gedagtes gegaan dat Egipte nie berge het nie en dat die plat roete my dus goed sou pas.
“Ek is boonop tans baie goed op dreef en het dus 'n plan beraam en het my afrigter (Christian Eminger) as bestuurder saamgebring om my by te staan. Heel op my eie sou ek beslis nie reggekom het nie.
“Ons het Maandag na die roete gaan kyk en tot my ontnugtering ontdek dit is glad nie plat nie! Daar is een heuwel naby Kaïro wat as die klimgedeelte en afdraand van drie-en-'n-half kilometer herhaal word op elkeen van die twee rondtes van 14 km tydens die tydtoets ( 28 km), asook Saterdag se padresies van 98 km (sewe keer).
“En dit is nie asof ek nie my huiswerk gedoen het nie. Die oorspronklike roete verskil hemelsbreed van die een waarop die organiseerders 'n paar dae gelede besluit het!
“Die tydtoets het omtrent 400 meter se klimwerk, wat nogal baie is.
“Die nuwe roetes pas my glad nie, maar ek sal nogtans my beste lewer.
“Verder verloop dinge heel goed en ons bly in 'n goeie hotel wat deur die organiseerders verskaf is.
“Hier is verbasend baie lande verteenwoordig; meer as wat ek verwag het. Ek dink die enigste groot fietsryland wat nie hier is nie, is Eritrea; verder is almal hier. Suid-Afrika het nogal 'n groot span gestuur.
“Ek hoop volgende jaar kan Namibië wel 'n span stuur, want ons het tans werklik goeie ryers in die land. Dit sal lekker wees om meer Namibiërs geleentheid te gee om op hierdie vlak te kompeteer.”
Looser, wat verlede maand vir die negende keer die nasionale padresies gewen het, is ook 'n bewese krag op kontinentale vlak.
Die hoogtepunt was in 2016, toe sy in die opbou na die Olimpiese Spele in Rio de Janeiro die Afrika-goud in beide die tydtoets én die padresies beklink het.
In 2019 in Marokko – die laaste weergawe, voordat Covid-19 verlede jaar se planne uitgevee het – het Looser bronsmedaljes in beide dissiplines bygevoeg. Die Namibiër se vorige Afrika-medaljes was in 2013 (padresies silwer en tydtoets brons) en 2012 (tydtoets brons).
Sover bekend is die 2019-padresieskampioen, Mossana Debesai, soos die res van die Eritreërs afwesig. Die titelhouer in die tydtoets, Maroesjka Matthee, is wel weer lid van Suid-Afrika se gedugte span.
– [email protected]
w
Kommentaar
Republikein
Geen kommentaar is op hierdie artikel gelaat nie