Lomachenko wil Lopez se mond snoer
Boks
Een van boks se ware supersterre kom hierdie naweek in Las Vegas teen een van dié sport se moontlike toekomstige supersterre te staan.
Vasyl Lomachenko (32) van die Oekraïne en Teofimo Lopez (23) van Amerika pak mekaar Sondagoggend (SA tyd) in die MGM Grand-casino.
Lomachenko se liggewigtitels van die Wêreldboksraad (WBC)en Wêreldboksorganisasie (WBO) is op die spel, asook Lopez se Internasionale Boksfederasie (IBF)-gordel.
Waar Lomachenko nou al ’n hele paar jaar as een van die beste boksers in die wêreld beskou word, is Lopez vinnig besig om ook groot naam te maak.
Die manier waarop Lopez egter tekere gaan, staan Lomachenko glad nie aan nie.
“Ek wil hom baie, baie, baie graag opdons. Sy pa dink hy is ’n groot superster soos Tyson Fury. Dis waarom hulle ’n mens so slegsê. Hulle gedra hulle soos supersterre, maar hulle is nie,” het Lomachenko hierdie week aan Ring TV gesê.
Lopez het op sy beurt aan The Guardian gesê hy tree so op omdat hy ’n “vermaaklikheidster” is.
Hy het die IBF-titel in Desember verlede jaar gewen toe hy Richard Commey van Ghana in die tweede ronde oorrompel het.
Eintlik het Lopez nog nie naastenby teen die gehalte boksers soos Lomachenko geboks nie, maar dat hy talentvol en gevaarlik is, is gewis.
Dié naweek sal hy egter moet uithaal en wys. Lomachenko word nie verniet deur sommige kritici as die “towenaar van die bokskryt” beskryf nie.
– Netwerk24
Vasyl Lomachenko (32) van die Oekraïne en Teofimo Lopez (23) van Amerika pak mekaar Sondagoggend (SA tyd) in die MGM Grand-casino.
Lomachenko se liggewigtitels van die Wêreldboksraad (WBC)en Wêreldboksorganisasie (WBO) is op die spel, asook Lopez se Internasionale Boksfederasie (IBF)-gordel.
Waar Lomachenko nou al ’n hele paar jaar as een van die beste boksers in die wêreld beskou word, is Lopez vinnig besig om ook groot naam te maak.
Die manier waarop Lopez egter tekere gaan, staan Lomachenko glad nie aan nie.
“Ek wil hom baie, baie, baie graag opdons. Sy pa dink hy is ’n groot superster soos Tyson Fury. Dis waarom hulle ’n mens so slegsê. Hulle gedra hulle soos supersterre, maar hulle is nie,” het Lomachenko hierdie week aan Ring TV gesê.
Lopez het op sy beurt aan The Guardian gesê hy tree so op omdat hy ’n “vermaaklikheidster” is.
Hy het die IBF-titel in Desember verlede jaar gewen toe hy Richard Commey van Ghana in die tweede ronde oorrompel het.
Eintlik het Lopez nog nie naastenby teen die gehalte boksers soos Lomachenko geboks nie, maar dat hy talentvol en gevaarlik is, is gewis.
Dié naweek sal hy egter moet uithaal en wys. Lomachenko word nie verniet deur sommige kritici as die “towenaar van die bokskryt” beskryf nie.
– Netwerk24
Kommentaar
Republikein
Geen kommentaar is op hierdie artikel gelaat nie