Lodge, besigheid beroof – sewe vas

Polisie van Omaheke, Khomas werk saam

09 August 2019 | Misdaad
Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was.

Een van die inbrake was Woensdagaand by die Otjere Lodge, ‘n gesogte jag- en safaribestemming sowat 19 km van Steinhausen af.

Teen druktyd was die polisie warm op die spoor van nog twee verdagtes wat met die rooftog by die lodge verbind word.

Volgens die Namibiese polisie se bevelvoerder vir die Khomasstreek, komm. Joseph Shikongo, het ses mans Woensdag in die vroeë oggendure die hekke van die lodge gebreek en kontant, gewere, alkohol en vleis gesteel.

Vier van die verdagtes is op die pad tussen Seeis en Steinhausen deur ‘n poisiepatrolliespan op die Internasionale Lughawe Hosea Kutako vasgetrek.

Die beamptes wat met ‘n ondersoek na die inbraak en diefstal besig was, het ‘n verdagte voertuig gewaar en dit probeer stop. Die verdagtes het eers met die voertuig op die vlug geslaan, maar het naby Seeis die voertuig langs die pad gelos en die bosse in gevlug. Die vier is uiteindelik gisteroggend vasgetrek.

Terwyl die polisie met dié ondersoek besig was, is nog ‘n verdagte voertuig volgens Shikongo opgemerk en van die pad afgetrek.

Die drie verdagtes in ‘n inbraak by ‘n bekende besigheid op Gobabis Woensdagaand is naby Heja Lodge vasgetrek.

Die ondersoek na die twee inbrake en soektog na die verdagtes het beamptes van die Omaheke- en Khomasstreek betrek, terwyl ‘n polisiehelikopter ook ingespan is om die voortvlugtendes te soek.

Die nasionale polisiewoordvoerder, adj.komm. Edwin Kanguatjivi, het bevestig die polisie was teen druktyd gister steeds by die lodge vir ‘n ter plaatse ondersoek.

Volgens hom is die items teruggevind wat by die lodge gesteel is.

Items wat op Gobabis gebuit is, is ook teruggevind.

Soortgelyk

 

Geval nr. 22 se toestand kritiek

8 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

8 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

8 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

8 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

8 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

8 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

8 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

8 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

8 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...