Livingstone se voetspore in Namibië gevolg

Namibiërs kan ná die bekendstelling van ’n nuwe boek meer lees oor dié ontdekkingsreisiger, sendeling en kampvegter teen slawerny wat ook in Namibië gewoon het.In die boek Sangwali – David Livingstone at Linyanti word die geskiedkundige agtergrond van die Britse ontdekkingsreisiger David Livingstone se besoek aan die Makololo- en Mayeyi-stamme in die hedendaagse Zambezistreek vertel.Die boek, deur Konny von Schmettau, is onlangs deur die Europese Unie (EU) se afvaardiging in Namibië, in samewerking met die Wetenskaplike Vereniging, bekend gestel.In die boek word staaltjies vertel oor Livingstone se wedervaringe en die sendelinge wat hom na Linyanti gevolg het. By dieselfde geleentheid is ‘n video, The Mayeyi and Livingstone, deur die Namibiese joernalis Francois Lottering, van Nampa, vertoon. Die video is op Von Schmettau se boek geskoei. Livingstone se reise is welbekend, maar min mense besef hy het in die 1850’s inderdaad op Sangwali, ongeveer 130 km wes van Katima Mulilo in die noordoostelike hoek van die Zambezistreek, gewoon. Hy het hier gewoon totdat sy reise hom verder noord geneem het.Benewens die feit dat hy ‘n ontdekkingsreisiger was, was Livingstone ook ‘n sendeling en ‘n kampvegter teen slawerny.Die DVD is, in samewerking met die EU-afvaardiging en die Wetenskaplike Vereniging, met die steun van Land Rover Windhoek, Kanaal 7 en Nexus vervaardig.Vandag huisves die Sangwali-nedersetting ‘n klein museum, wat deur mnr. Linus Mukwata tot stand gebring is om die geskiedenis en werk van Livingstone op dié plek te bewaar. Benewens die ryk geskiedenis en kultuur van die gebied, huisves die gebied ook ‘n groot konsentrasie natuurlewe.Die Duitse entrepreneur en reisiger Adolf Waidelich het ‘n groot rol gespeel om Mukwata by te staan om die Livingstone Linyanti-museum tot stand te bring en die Livingstone’s Camp in te rig, wat toegang tot die Nkasa Rupara (voorheen Mamili) Nasionale Park bied. Volgens ‘n verklaring deur die EU vorm kultuur ‘n belangrike deel van die EU se werk, in samewerking met vennoot-lande, met die oog op die ontginning van potensiaal op die gebiede van die geskiedenis, kultuur en toerisme. In hierdie geval het die EU in Namibië, in vennootskap met die Wetenskaplike Vereniging, Nampa, tradisionele owerhede en die private sektor, saamgespan om die eerste fase van die opgradering van die Livingstone Linyanti-museum te ondersteun. Verdere bystand is egter nodig en om hierdie rede moedig die EU-afvaardiging ander instansies aan om deel van hierdie opwindende en interessante onderneming te word.In haar boodskap met die bekendstelling van die boek en die DVD, het amb. Jana Hybaskova van die EU gesê: “Die Sangwali-Livingstone verbintenis is ‘n unieke en rare gebeurtenis waar die geskiedenis, kultuur en natuur ontmoet om ‘n verskeidenheid potensiële toerisme- en sosio-ekonomiese ontwikkelings te bied.

Livingstone se voetspore in Namibië gevolg

Kommentaar

Republikein 2025-05-02

Meld asseblief aan om kommentaar te lewer

Livingstone se voetspore in Namibië gevolg

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie