Listeriose: Tiger Brands verwag strenger standaarde

Tiger Brands wil hê die regering moet ’n nuwe standaard vir voedselveiligheid en higiëne instel, sê Lawrence MacDougall, uitvoerende hoof.Daarbenewens moet ’n voedselveiligheidsraad op die been gebring word.Tiger Brands is midde in die listeriose-epidemie wat reeds die lewe van minstens 204 mense geëis het. Die dodelike ST6-stam van listeria is in sy Enterprise-fabrieke gevind en drie fabrieke wat polonie, kouevleis en Weense worsies vervaardig - in Polokwane, Pretoria en Germiston - is sedert Maart gesluit. Listeriose is veral gevaarlik vir swanger vroue, babas, mense wie se immuunstelsel verswak is en bejaardes.“In ’n post-listeriose-omgewing sou ’n mens waarskynlik wou hoop dat daar bedryfstandaarde is en dat die departemente van gesondheid en van handel en nywerheid nouer sal saamwerk om by verwikkelinge in die bedryf en met mense met verswakte immuunstelsels by te bly.“Daar moet ’n nuwe veiligheidstandaard in die bedryf kom. Volgens die bestaande standaard mag daar minder as 100 kolonievormende eenhede (van listeria) per 100 gram wees. Nadat ons ondersoek ingestel het en na internasionale standaarde gekyk het, weet ons steeds nie wat die departement van gesondheid gaan doen nie. Geen samewerkende gesprekke is nog nie gehou nie.”’n Kolonievormende eenheid (cfu) verwys na hoeveel lewensvatbare bakterieselle in ’n produkmonster opgespoor word.“Die volgende vlak sou wees 0 of minder as 10 cfu in 25 gram produk. Dis die volgende trappie op.Sou ek dié krisis my grootste vyand toewens? Nee. Sou ek dit ooit weer wou beleef? Absoluut nie.Lawrence MacDougall van Tiger Brands“Kanada, Australië en Nieu-Seeland is waarskynlik die strengste. Hulle stel voor dat die syfer dit moet wees wat aan die einde van die raklewe van ’n produk gemeet word, en nie by produksie nie.“Jy moet dan sertifiseer dat die produk aan die einde van sy rakleeftyd minder as die vasgestelde syfer sal hê. Ons wag op die departement van gesondheid.”Volgens MacDougall was die laaste interne vergadering van die departement oor die saak op 18 Mei “maar ons het nog geen terugvoering gekry oor wat daar gebeur het nie. Ons hoop ons word na ’n breër samewerkende gesprekke genooi.”In dié stadium is die Suid-Afrikaanse standaard vir verwerkte vleisprodukte, die nasionale standaard 885, ’n vrywillige bedryfsriglyn. Die standaard is laas in September 2011 bygewerk.Foster Mohale, ’n woordvoerder van die departement van gesondheid, sê die staat bespreek nog die beste manier om voedselveiligheid in die toekoms te verseker.Tiger Brands het vroeër die week met die bekendmaking van sy halfjaarresultate gesê hy hoop die fabrieke sal weer in September kan oopmaak. Dit kos die maatskappy reeds nagenoeg R356 miljoen om produkte te herroep en tot R50 miljoen per maand terwyl die fabrieke gesluit bly.MacDougall sê hulle doen verbruikersnavorsing om te bepaal wat die uitwerking van die krisis op hul handelsmerke is.Dit sal help om te bepaal wanneer die regte tyd is om die fabrieke te heropen, maar hulle moet eers weet wat die nuwe minimum plaaslike standaarde gaan wees.“Ons het internasionale en plaaslike kundiges aangestel om ons te help om die oorsaak van die probleem vas te stel. Al die ontleding tot dusver het getoon dat ons veilig binne die voedselveiligheidstandaarde is. Al ons produkte en die omgewing is getoets en lewer minder as 10 cfu op. Ons sien niks wat op nalatigheid dui nie.”MacDougall, wat hom twee jaar gelede by Tiger Brands aangesluit het, glo steeds hy is die beste mens vir die werk ondanks die listeriose-krisis.“Ek is. Ek geniet dit. Ek kry goeie terugvoering en ons maak goeie vordering. Ek het die vaardighede en die ervaring om die organisasie vorentoe te neem.“Sou ek dié krisis my grootste vyand toewens? Nee. Sou ek dit ooit weer wou beleef? Absoluut nie.“Wat ek kan doen, is my beste om te verseker dit gebeur nooit weer nie.” – Netwerk24/City Press, verkort en verwerk

Listeriose: Tiger Brands verwag strenger standaarde

Kommentaar

Republikein 2025-05-02

Meld asseblief aan om kommentaar te lewer

Listeriose: Tiger Brands verwag strenger standaarde

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie