Lissabon se strate stil voor dié skouspel

Dit is bes moontlik die grootste sportbyeenkoms in die wêreld sedert die Covid-19-pandemie, met agt van Europa se voorste klubsokkerspanne wat oor ’n tydperk van 12 dae in die Portugese hoofstad, Lissabon, te staan gaan kom.Die Europese Kampioeneliga-wenner word in die eindstryd op 23 Augustus bekroon.Maar terwyl miljoene kykers sal inskakel op televisie om die aksie van Woensdagaand af dop te hou, sal jy vergewe word as jy in Lissabon se strate rondloop en nie eens besef van die wêreld se voorste sokkerspelers is daar in aksie nie.Daar is geen advertensieborde wat jou welkom heet nie en baie min bemarking is gedoen.Daar is geen jolkolle vir ondersteuners nie, geen plakkate wat die sterspelers aankondig nie en geen volgepakte hotelle nie.Geen toeskouers word by wedstryde toegelaat nie en selfs die media is baie beperk. Restaurante en kroeë sal nie oorloop nie.Daar sal ook geen partytjie wees vir die mense van Lissabon nie.Alkohol mag nie in die openbaar gebruik word nie en restaurante sluit reeds om 23:00.Die dra van maskers is verpligtend en die gebruik van openbare vervoer en groot byeenkomste word ontmoedig.Selfs diegene wat net een van die groot name in wêreldsokker in die straat wil sien stap, sal teleurgesteld wees.Die spanne leef in bio-borrels in hul hotelle en oefengeriewe.In die hotelle het hulle private roetes na hul eie eetsale.Met geen toeskouers om oor te bekommer nie, fokus die Portugese polisie eerder daarop om ’n veilige omgewing vir die spelers te skep as om vir die moeilikheidmakers uit te kyk.Daar is die kans dat ondersteuners van spanne wat die eindstryd haal na Portugal mag reis eerder as om net by die huis te sit en dit op televisie dop te hou. Vanweë televisieregte het die organiseerders, UEFA, besluit om die seisoen te voltooi.Die Euro2020-toernooi vir nasionale spanne is reeds met ’n jaar uitgestel en UEFA kon dit beswaarlik bekostig om ook hierdie neseier met die Kampioeneliga prys te gee.Daar is nou nie tuis- en wegwedstryde soos gewoonlik die geval is in die kwart- en halfeindstryde nie, en indien wedstryde gelykop eindig, sal bykomende speeltyd en ’n strafdoele-stryd gebruik word om ’n wenner te bepaal.Die uitklopstryde vir die Europaliga, die kompetisie een vlak laer as die Kampioeneliga, word op ’n soortgelyke grondslag in Duitsland beslis en wedstryde op die rusdae van die Kampioeneliga gespeel.Die eerste wedstryd in die Kampioeneliga is Woensdagaand tussen Paris St. Germain van Frankryk en die Italiaanse klub Atalanta. Vrydag is daar ’n groot kragmeting tussen Bayern München en Barcelona. – ReutersFOTOParis St. Germain se spelers slyp Dinsdag in Lissabon voor hul stryd teen Atalanta. Foto Reuters

Lissabon se strate stil voor dié skouspel

Kommentaar

Republikein 2026-07-17

Meld asseblief aan om kommentaar te lewer

Lissabon se strate stil voor dié skouspel

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.