Liggaam van drenkeling op strand gevind

Die liggaam van die 28-jarige Filipus Nghiningwanai Nuyoma wat op 15 Oktober in die see by Swakopmund verdrink het, is gistermiddag deur ‘n verbyganger op die strand gevind.
Volgens die koördineerder van misdaadondersoeke in die Erongostreek, adj.komm. Erastus Iikuyu is dit nog nie duidelik of Nuyoma van die ysterkaai afgespring of geval en so in die see beland het nie. Sy liggaam is by die strand by Platz Am Meer gevind. - Nampa