Lichtenstrasser verloor regshulp-stryd

Kristien Kruger Mnr. Ernst Lichtenstrasser het gefaal in sy stryd teen die direktoraat van regshulp in die ministerie van justisie (Legal Aid) om die regsverteenwoordiging van sy keuse te verkry. Die dubbele moordbeskuldigde is gister in die hoërhof in Windhoek ingelig dat sy versoek teen die regshulpdirektoraat geweier is, dat hulle sy huidige verteenwoordiger, adv. Trevor Brockerhoff, moet betaal.Die regshulpdirektoraat hou by hul besluit om 'n interne prokureur, adv. Albert Titus, aan te stel om Lichtenstrasser te verteenwoordig.“Indien mnr. Lichtenstrasser aanhou weier om met die prokureur te werk wat aan hom toegeken is, sal sy aansoek om regshulp uitgegooi word,” lui die dokument vanaf die regshulpdirektoraat.Lichtenstrasser het tydens die hofverrigtinge voor regter Christie Liebenberg verskeie eise gestel.“Volgens my moet 'n verhoor regverdig wees en regverdigheid kan slegs geskied indien die prokureurs ewe veel ervaring het.“As Brockerhoff my nie kan verteenwoordig nie, stel ek voor dat die staat vir adv. Antonia Verhoef onttrek om die speelveld gelyk te maak,” het hy gesê.Lichtenstrasser het verder gestel die belang van die saak is van so 'n aard dat 'n meer ervare prokureur vir hom aangewys behoort te word. Liebenberg het aan hom verduidelik hoewel die regshulpdirektoraat en die kantoor van die aanklaer-generaal albei onder die ministerie van justisie val, werk hulle onafhanklik van mekaar. Die belang van die saak beïnvloed dus nie die verteenwoordiger wat aan hom toegeken word nie.Lichtenstrasser het verder aangevoer dat hy vrygelaat moet word totdat die saak met die regshulpdirektoraat afgehandel is. Liebenberg het hom egter haastig onderbreek en dié voorstel afgekeur.“Jou borgtogaansoek is 'n afsonderlike saak. Dit is reeds afgehandel en is van die hand gewys,” het die regter gesê.REGTER SE ADVIESLiebenberg het Lichtenstrasser geadviseer om, indien hy die saak spoedig wil afhandel, met sy nuut aangestelde prokureur te werk sodat die verhoor volgende jaar kan begin.“Jy is geregtig op 'n verteenwoordiger, maar die regshulpdirektoraat word nie verplig om jou die verteenwoordiger van jou keuse te gee nie.“Dit is in jou beste belang om met mnr. Titus saam te werk en voor te berei vir die verhoor,” het hy gesê. Die verhoor is geskeduleer vir 15 tot 19 Februarie, vanaf 6 tot 8 April en vanaf 5 tot 12 Mei.– kristien@republikein.com.na

Lichtenstrasser verloor regshulp-stryd

Kommentaar

Republikein 2025-05-01

Meld asseblief aan om kommentaar te lewer

Lichtenstrasser verloor regshulp-stryd

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie