Lentereën verkwik
Elvira Hattingh
Alhoewel die reën na verwagting vandag tot enkele reënbuie in die verre suidooste beperk sal wees, is Namibiërs verheug oor die eerste lentedruppels wat die afgelope naweek wydverspreid voorgekom het.
Volgens die Namibiese weerkantoor se hoofvoorspeller, mnr. Odillo Kgobetsi, het die reën reeds Donderdag in die noordooste oor die Etosha Nasionale Park, asook op Grootfontein, Otjiwarongo, Gobabis, Omuthiya, Ogongo, Rundu en dele van die Otjozondjupastreek uitgesak.
Teen gisteroggend is nog plekke se name by dié lys gevoeg, waaronder Windhoek, Okahandja, Uis, Aranos, Rehoboth, Groot Aub, Koës, Schlip, Stampriet, Usakos en Oranjemund.
Rehoboth het glo tussen 11 mm en 25 mm reën Vrydag ontvang, terwyl Stampriet verder suid 7 mm gehad het. In Windhoek het dit tussen 1 mm en 15 mm Vrydagaand en toe weer Saterdagaand gereën, terwyl Uis glo 1 mm Saterdag ontvang het.
Otjiwarongo het Vrydag 9 mm reën gehad, Okahandja 7 mm en Schlip 9 mm, terwyl dit 3 mm in die Omaruru-omgewing gereën het.
Op die Facebook-groep Reën in Namibia het Dinarte Lourens gister laat weet op die plaas Sandveld by Gochas het dit sowat 20 mm gereën.
In die Kombat-omgewing het dit blykbaar Donderdag 30 mm met hael gereën, terwyl 'n plaas by Grootfontein toe tussen 70 mm en 89 mm gemeet het – waarskynlik die grootste bui reën in die land.
- [email protected]
Alhoewel die reën na verwagting vandag tot enkele reënbuie in die verre suidooste beperk sal wees, is Namibiërs verheug oor die eerste lentedruppels wat die afgelope naweek wydverspreid voorgekom het.
Volgens die Namibiese weerkantoor se hoofvoorspeller, mnr. Odillo Kgobetsi, het die reën reeds Donderdag in die noordooste oor die Etosha Nasionale Park, asook op Grootfontein, Otjiwarongo, Gobabis, Omuthiya, Ogongo, Rundu en dele van die Otjozondjupastreek uitgesak.
Teen gisteroggend is nog plekke se name by dié lys gevoeg, waaronder Windhoek, Okahandja, Uis, Aranos, Rehoboth, Groot Aub, Koës, Schlip, Stampriet, Usakos en Oranjemund.
Rehoboth het glo tussen 11 mm en 25 mm reën Vrydag ontvang, terwyl Stampriet verder suid 7 mm gehad het. In Windhoek het dit tussen 1 mm en 15 mm Vrydagaand en toe weer Saterdagaand gereën, terwyl Uis glo 1 mm Saterdag ontvang het.
Otjiwarongo het Vrydag 9 mm reën gehad, Okahandja 7 mm en Schlip 9 mm, terwyl dit 3 mm in die Omaruru-omgewing gereën het.
Op die Facebook-groep Reën in Namibia het Dinarte Lourens gister laat weet op die plaas Sandveld by Gochas het dit sowat 20 mm gereën.
In die Kombat-omgewing het dit blykbaar Donderdag 30 mm met hael gereën, terwyl 'n plaas by Grootfontein toe tussen 70 mm en 89 mm gemeet het – waarskynlik die grootste bui reën in die land.
- [email protected]
Kommentaar
Republikein
Geen kommentaar is op hierdie artikel gelaat nie