Lentedag blom vir toerisme

Francoise Steynberg – Die toerismebedryf hoop lentedag blom vir hulle met buitelandse toeriste wat vanaf 1 September via die Internasionale Lughawe Hosea Kutako (HKIA) Namibië kan besoek.Die minister van die omgewing, bosbou en toerisme, mnr. Pohamba Shifeta, het Dinsdag die nuwe implementeringsprotokol vir die internasionale toerismeherlewingsplan aangekondig.Die toerismesektor is verheug oor die aankondiging, maar daar is nog onsekerheid oor die praktiese toepassing van die protokol.PROTOKOLBuitelandse toeriste kan nie die land per pad binnekom nie, maar slegs op HKIA land. Die protokol behels onder meer dat alle toeriste ’n negatiewe Covid-19-toets, nie ouer as 72 uur voor hul vlug, moet toon.Alle toeriste moet vir sewe dae by hul eerste verblyfplek van bespreking bly wat by die Namibië Toerismeraad (NTB) geregistreer en deur die ministerie van gesondheid en maatskaplike dienste goedgekeur is. Hulle moet direk vanaf die lughawe na hul verblyfplek reis waar hulle aan aktiwiteite soos wildbesigtigingsritte mag deelneem. Toeriste moet ’n plaaslike selfoonnommer bekom en te alle tye bereikbaar wees. Alle toeriste sal op hul vyfde dag by hul verblyfplek weer vir Covid-19 getoets word en die uitslae sal op die sewende dag beskikbaar wees wat sal bepaal of hulle verder kan reis.Akkommodasieplekke moet voor gaste arriveer ’n gesondheidsertifikaat kry. Volgens die minister sal die protokol elke twee weke hersien word. “Hierdie protokol is deur die ministers van die omgewing, bosbou en toerisme; gesondheid en maatskaplike dienste; en binnelandse sake, immigrasie, veiligheid en sekuriteit onderteken,” het Shifeta gesê.“Dit is ’n belangrike stap om die toerismesektor weer op dreef te kry en ek is vol vertroue dat ons die noodsaaklike sektor weer sal laat groei sonder om toeriste en Namibiërs se gesondheid in gevaar te stel.” ONSEKERHEDE Die uitvoerende hoofde van die Gasvryheidsvereniging van Namibië (HAN), me. Gitta Paetzold, en Namibië Professionele Jagvereniging (Napha), me. Tanja Dahl, verwelkom die aankondiging. Hulle hoop lugrederye is reeds genader om die roetes na Namibië so gou as moontlik weer te hervat. “Ons sien dit as 'n bewys dat die Namibiese regering die belangrikheid van die toerismebedryf besef en ons sektor toelaat om ons beplanning – al is dit op klein skaal – en bedrywighede te kan hervat,” het Paetzold gesê.Sy sê die algehele hervatting van normale toerismevloei is nie heeltemal moontlik nie, “omdat baie min van die toeriste ’n volle sewe dae op een plek sal wil bly, maar dit gee ons die kans om spesiale pakkette saam te stel, om mense uit te nooi om die vryheid, oop ruimtes en die natuurskoon, saam met die vars lug en sonskyn van Namibië te kom geniet”. Dahl sê die bepaling om vir die eerste sewe dae by een plek te bly, is oor die algemeen minder problematies vir jagters as vir dié op ’n fotosafari. “Die grootste onsekerheid is hoe die gesondheidsministerie ’n tweede toets op die toeriste gaan uitvoer en die tydsduur van die beskikbaarheid van resultate.” Dahl sê ’n verdere bron van onsekerheid is die presiese prosedure en tydsduur van registrasie by die gesondheidsministerie sodat verblyfplekke aan protokolvereistes voldoen.- francoise@republikein.com.na

Lentedag blom vir toerisme

Kommentaar

Republikein 2026-01-05

Meld asseblief aan om kommentaar te lewer

Lentedag blom vir toerisme

Kommentaar

Republikein 2026-01-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.