Leeu-kuil kom Windhoek toe
Rugby
Andrew Poolman - Winmar Rust was gister steeds uit die veld geslaan dat hy nie net môre sy provinsiale debuut in die SuperSport-reeks maak nie, maar boonop die Windhoek Draught Welwitschias as kaptein sal aanvoer.
Die 30-jarige slot van United het 'n onbenydenswaardige taak om in die Hage Geingob-stadion 'n bitter onervare klompie Namibiërs op die veld te lei teen die Goue Leeus, wat 'n maand gelede in Johannesburg 'n honderdtal opgestapel het.
Rust self is een van agt spelers in die beginspan wat eers hierdie seisoen in die provinsiale kompetisie blootgestel is – insluitend die vleuel Collins Omalu (FNB Western Suburbs) en senter Janry du Toit (FNB Wanderers) wat saam met Rust die drie debutante in die opdrafspan is.
Ethan Beukes en Dirkie von Weidts het laas naweek teen die Blou Bulle hul eerste wedstryd op dié vlak gespeel, terwyl Adriaan Booysen (flank) een verskyning van die reserwebank af gemaak het.
Op die kantlyn sal Herman Grobler (stut van Walvisbaai) en Unam se losskakel Helarius Kisting dalk ook hul vuurdoop teen die Leeus kry.
“Lyn (Jones, die afrigter) het my al laas week ingelig dat ek waarskynlik sal speel, maar toe hy my Maandag ná die videosessie eenkant toe roep en sê dat ek die kaptein is, het ek eers gedink hy maak dalk 'n grap. Maar ek is opgewonde oor die uitdaging,” het Rust gister vertel.
Hy bly egter positief: “'n Man moet maar net die kans gebruik om jouself te bewys.
“Ons weet dit sal nie maklik wees nie en Maandagaand se oefensessie het nog 'n bietjie deurmekaar gelyk, maar die volgende aand het dit reeds beter begin lyk.”
Rust se skielike bevordering is daaraan toe te skryf dat die flank Rohan Kitshoff deur 'n beenspierbesering uitgeskakel is.
Die afwesigheid van Kitshoff se voorganger as leier (Eugene Jantjies) en die res van die Namibiese toetsspan wat môre op presies dieselfde oomblik (15:00) in Uruguay in 'n toets teen Spanje afskop, is wat die tuisspan tans van soveel ondervinding ontneem.
Teen druktyd gister het die nasionale afrigter, Phil Davies, nog nie sy span vir die openingswedstryd van die Wêreldrugby Nasiesbeker in Montevideo bekend gemaak nie.
Die Welwitschias: 15 David Philander, 14 Collins Omalu, 13 Janry du Toit, 12 Ethan Beukes, 11 Russell van Wyk, 10 Dirk von Weidts, 9 JC Winkler, 8 Roderique Victor, 7 Adriaan Booysen, 6 Thomasau Forbes, 5 Max Katjijeko, 4 Winmar Rust (kapt), 3 Andries Rousseau, 2 Obert Nortjé, 1 Christo McNish
Reserwes: Desiderius Sethie, Niël van Vuuren, Herman Grobler, Denzil van Wyk, Thomas Kali, Helarius Kisting, Aurelio Plato.
ONOORWONNE
Die Van der Walt-broers – die hoog gerekende heelagter Jaco en sy jongboet Gerdus as senter – sal môre van die Goue Leeus se gevaarlike aanvallers in die agterlyn wees.
Jaco, 'n man met 22 Superrugby-wedstryde agter die blad, maak sy terugkeer ná 'n besering. Die res van die agterlyn het egter geen Superrugby-ondervinding nie, met buitesenter Wayne van der Bank 'n nuweling in die kompetisie.
Die onoorwonne Gautengers se agtsteman Jano Venter (kaptein) en sy flanke Hacjivah Dayimani en James Venter vorm 'n gevaarlike lostrio. Dayimani het as plaavervanger in minder as 'n halfuur 'n driekuns behaal toe die Leeus in Johannesburg met 112-14 gewen het.
Losskakel Siya Masuku is daardie dag ook later opgestuur en het met sewe doelskoppe getref.
Goue Leeus: 15 Jaco van der Walt; 14 Selom Gavor, 13 Wayne van der Bank, 12 Gerdus van der Walt, 11 Aphiwe Dyantyi; 10 Siya Masuku, 9 Bradley Thain; 8 Jano Venter (kapt), 7 Hacjivah Dyamani, 6 James Venter, 5 Bobby de Wee, 4 Rhyno Herbst, 3 Pieter Scholtz, 2 Pieter Jansen, 1 Luvuyo Pupuma.
Reserwes: HP van Schoor, Bheki Shongwe, Driaan Bester, Victor Sekekete, Morné van den Berg, Jan-Louis le Grange, Gerrie Labuschagne.
Die 30-jarige slot van United het 'n onbenydenswaardige taak om in die Hage Geingob-stadion 'n bitter onervare klompie Namibiërs op die veld te lei teen die Goue Leeus, wat 'n maand gelede in Johannesburg 'n honderdtal opgestapel het.
Rust self is een van agt spelers in die beginspan wat eers hierdie seisoen in die provinsiale kompetisie blootgestel is – insluitend die vleuel Collins Omalu (FNB Western Suburbs) en senter Janry du Toit (FNB Wanderers) wat saam met Rust die drie debutante in die opdrafspan is.
Ethan Beukes en Dirkie von Weidts het laas naweek teen die Blou Bulle hul eerste wedstryd op dié vlak gespeel, terwyl Adriaan Booysen (flank) een verskyning van die reserwebank af gemaak het.
Op die kantlyn sal Herman Grobler (stut van Walvisbaai) en Unam se losskakel Helarius Kisting dalk ook hul vuurdoop teen die Leeus kry.
“Lyn (Jones, die afrigter) het my al laas week ingelig dat ek waarskynlik sal speel, maar toe hy my Maandag ná die videosessie eenkant toe roep en sê dat ek die kaptein is, het ek eers gedink hy maak dalk 'n grap. Maar ek is opgewonde oor die uitdaging,” het Rust gister vertel.
Hy bly egter positief: “'n Man moet maar net die kans gebruik om jouself te bewys.
“Ons weet dit sal nie maklik wees nie en Maandagaand se oefensessie het nog 'n bietjie deurmekaar gelyk, maar die volgende aand het dit reeds beter begin lyk.”
Rust se skielike bevordering is daaraan toe te skryf dat die flank Rohan Kitshoff deur 'n beenspierbesering uitgeskakel is.
Die afwesigheid van Kitshoff se voorganger as leier (Eugene Jantjies) en die res van die Namibiese toetsspan wat môre op presies dieselfde oomblik (15:00) in Uruguay in 'n toets teen Spanje afskop, is wat die tuisspan tans van soveel ondervinding ontneem.
Teen druktyd gister het die nasionale afrigter, Phil Davies, nog nie sy span vir die openingswedstryd van die Wêreldrugby Nasiesbeker in Montevideo bekend gemaak nie.
Die Welwitschias: 15 David Philander, 14 Collins Omalu, 13 Janry du Toit, 12 Ethan Beukes, 11 Russell van Wyk, 10 Dirk von Weidts, 9 JC Winkler, 8 Roderique Victor, 7 Adriaan Booysen, 6 Thomasau Forbes, 5 Max Katjijeko, 4 Winmar Rust (kapt), 3 Andries Rousseau, 2 Obert Nortjé, 1 Christo McNish
Reserwes: Desiderius Sethie, Niël van Vuuren, Herman Grobler, Denzil van Wyk, Thomas Kali, Helarius Kisting, Aurelio Plato.
ONOORWONNE
Die Van der Walt-broers – die hoog gerekende heelagter Jaco en sy jongboet Gerdus as senter – sal môre van die Goue Leeus se gevaarlike aanvallers in die agterlyn wees.
Jaco, 'n man met 22 Superrugby-wedstryde agter die blad, maak sy terugkeer ná 'n besering. Die res van die agterlyn het egter geen Superrugby-ondervinding nie, met buitesenter Wayne van der Bank 'n nuweling in die kompetisie.
Die onoorwonne Gautengers se agtsteman Jano Venter (kaptein) en sy flanke Hacjivah Dayimani en James Venter vorm 'n gevaarlike lostrio. Dayimani het as plaavervanger in minder as 'n halfuur 'n driekuns behaal toe die Leeus in Johannesburg met 112-14 gewen het.
Losskakel Siya Masuku is daardie dag ook later opgestuur en het met sewe doelskoppe getref.
Goue Leeus: 15 Jaco van der Walt; 14 Selom Gavor, 13 Wayne van der Bank, 12 Gerdus van der Walt, 11 Aphiwe Dyantyi; 10 Siya Masuku, 9 Bradley Thain; 8 Jano Venter (kapt), 7 Hacjivah Dyamani, 6 James Venter, 5 Bobby de Wee, 4 Rhyno Herbst, 3 Pieter Scholtz, 2 Pieter Jansen, 1 Luvuyo Pupuma.
Reserwes: HP van Schoor, Bheki Shongwe, Driaan Bester, Victor Sekekete, Morné van den Berg, Jan-Louis le Grange, Gerrie Labuschagne.
Kommentaar
Republikein
Geen kommentaar is op hierdie artikel gelaat nie