Leerplan terug in stormwaters
Bewys moet gelewer kan word vir die versekering van kwaliteit en akkreditasie deur ’n erkende liggaam.
Henriette Lamprecht – Skole wat die leerplan van die Onafhanklike Eksamensraad (IEB) in Namibië volg, gaan voort soos normaal.
“Ons het met ons regspan vergader en dinge gaan voort soos dit is,” het mnr. Wouter Niehaus, die Namibiese Privaatskole-organisasie (Napso) se uitvoerende hoof, in reaksie gesê nadat die ministerie van onderwys, kuns en kultuur sê dit kan nie goedkeuring vir die registrasie van die nuwe leerplan en kwalifikasie vir IEB-skole in Namibië gee nie.
Napso verteenwoordig ses IEB-skole en dit is volgens Niehaus “ons plig om die nodige ondersteuning aan ons ledeskole te bied.”
Verlede jaar se IEB-matriekgroep het ’n 100%-slaagsyfer gehad. Van die 177 matrikulante oraloor Namibië het 88% graadvrystelling gekry.
Die inligting oor IEB-skole se aansoek vir registrasie van ’n nuwe leerplan en kwalifikasie is vervat in ’n brief op 29 April aan wyle mnr. Henry McCarthy, skoolhoofdeverteenwoordiger van die sewe privaatskole in die land wat die IEB-leerplan volg. McCarthy was die groot dryfkrag agter die proses om die nuwe leerplan plaaslik goedgekeur te kry en is op 7 Mei aan Covid-19 dood.
Selfs op sy siekbed het McCarthy steeds die proses gedryf.
“Die laaste naweek waar hy om sy lewe geveg het, het hy steeds hieraan gewerk,” sê Niehaus.
McCarthy het verlede jaar in ’n onderhoud met Republikein gesê die nuwe leerplan is vergelykbaar met die Namibiese Senior Sekondêre Sertifikaat (SSS) op Gevorderde Intermediêre Vlak (AS). Dit was volgens die Nasionale Eksaminerings-, Evaluerings- en Sertifiseringsraad (NEACB).
Volgens die uitvoerende direkteur in die ministerie, me. Sanet Steenkamp, staan die ministerie by bogenoemde besluit totdat bewys vir oorweging gelewer kan word van die versekering van kwaliteit en akkreditasie deur ’n erkende liggaam vir die nuwe SSS-eksamen en kwalifikasie.
In haar skrywe sê Steenkamp briewe tussen die Universiteit van Stellenbosh en die Suid-Afrikaanse Kwalifikasie-owerheid (SAQA) asook verdere vergaderings tussen die ministerie en IEB het bevestig laasgenoemde vind dit moeilik om die kwaliteitversekering en akkreditasieliggaam vir sy leerplan en kwalifikasie vir IEB-skole in Namibië te kry.
TWEE OPSIES
Die ministerie het twee opsies aan IEB-skole voorgestel. Die laaste uitweg sou wees om aansoek te doen om vanaf aanstaande jaar die Namibiese leerplan aan te bied en as eksamensentrums vir die Namibiese Senior Sertifikaat Gewone Vlak (NSSCO) oftewel graad 11 en die Gevorderde (AS)-vlak oftewel graad 12 te registreer.
Sou IEB-skole dié uitweg kies, moet elke skool die voorgeskrewe vorm voltooi en by hul onderskeie streeksrade indien vir evaluering en inspeksie. Dié vorms moet reeds voor die einde van Junie ingedien word.
Die NEACB het as eerste moontlikheid voorgestel die IEB moet die Namibiese Kwalifikasie-owerheid (NQA) nader vir die registrasie van die senior sekondêre sertifikaat (SSC) as ’n nuwe Namibiese kwalifikasie op die nasionale kwalifikasiesraamwerk (NQF). Dit sal die akkreditasie en erkenning van IEB as ’n toekenningsliggaam van die SSC in Namibië soos enige ander opleiding- en opvoedingsinstelling in die land verseker.
Volgens opsie twee kan IEB ’n gevestigde internasionale geakkrediteerde organisasie nader om ’n akkreditasie-ooreenkoms aan te gaan. Die kwalifikasie sal vervolgens by die NQA op NQF geregistreer word. Die kwalifikasie kan gesertifiseer word deur beide die vennootorganisasie (internasionale akkrediteringsliggaam) en IEB.
– [email protected]
“Ons het met ons regspan vergader en dinge gaan voort soos dit is,” het mnr. Wouter Niehaus, die Namibiese Privaatskole-organisasie (Napso) se uitvoerende hoof, in reaksie gesê nadat die ministerie van onderwys, kuns en kultuur sê dit kan nie goedkeuring vir die registrasie van die nuwe leerplan en kwalifikasie vir IEB-skole in Namibië gee nie.
Napso verteenwoordig ses IEB-skole en dit is volgens Niehaus “ons plig om die nodige ondersteuning aan ons ledeskole te bied.”
Verlede jaar se IEB-matriekgroep het ’n 100%-slaagsyfer gehad. Van die 177 matrikulante oraloor Namibië het 88% graadvrystelling gekry.
Die inligting oor IEB-skole se aansoek vir registrasie van ’n nuwe leerplan en kwalifikasie is vervat in ’n brief op 29 April aan wyle mnr. Henry McCarthy, skoolhoofdeverteenwoordiger van die sewe privaatskole in die land wat die IEB-leerplan volg. McCarthy was die groot dryfkrag agter die proses om die nuwe leerplan plaaslik goedgekeur te kry en is op 7 Mei aan Covid-19 dood.
Selfs op sy siekbed het McCarthy steeds die proses gedryf.
“Die laaste naweek waar hy om sy lewe geveg het, het hy steeds hieraan gewerk,” sê Niehaus.
McCarthy het verlede jaar in ’n onderhoud met Republikein gesê die nuwe leerplan is vergelykbaar met die Namibiese Senior Sekondêre Sertifikaat (SSS) op Gevorderde Intermediêre Vlak (AS). Dit was volgens die Nasionale Eksaminerings-, Evaluerings- en Sertifiseringsraad (NEACB).
Volgens die uitvoerende direkteur in die ministerie, me. Sanet Steenkamp, staan die ministerie by bogenoemde besluit totdat bewys vir oorweging gelewer kan word van die versekering van kwaliteit en akkreditasie deur ’n erkende liggaam vir die nuwe SSS-eksamen en kwalifikasie.
In haar skrywe sê Steenkamp briewe tussen die Universiteit van Stellenbosh en die Suid-Afrikaanse Kwalifikasie-owerheid (SAQA) asook verdere vergaderings tussen die ministerie en IEB het bevestig laasgenoemde vind dit moeilik om die kwaliteitversekering en akkreditasieliggaam vir sy leerplan en kwalifikasie vir IEB-skole in Namibië te kry.
TWEE OPSIES
Die ministerie het twee opsies aan IEB-skole voorgestel. Die laaste uitweg sou wees om aansoek te doen om vanaf aanstaande jaar die Namibiese leerplan aan te bied en as eksamensentrums vir die Namibiese Senior Sertifikaat Gewone Vlak (NSSCO) oftewel graad 11 en die Gevorderde (AS)-vlak oftewel graad 12 te registreer.
Sou IEB-skole dié uitweg kies, moet elke skool die voorgeskrewe vorm voltooi en by hul onderskeie streeksrade indien vir evaluering en inspeksie. Dié vorms moet reeds voor die einde van Junie ingedien word.
Die NEACB het as eerste moontlikheid voorgestel die IEB moet die Namibiese Kwalifikasie-owerheid (NQA) nader vir die registrasie van die senior sekondêre sertifikaat (SSC) as ’n nuwe Namibiese kwalifikasie op die nasionale kwalifikasiesraamwerk (NQF). Dit sal die akkreditasie en erkenning van IEB as ’n toekenningsliggaam van die SSC in Namibië soos enige ander opleiding- en opvoedingsinstelling in die land verseker.
Volgens opsie twee kan IEB ’n gevestigde internasionale geakkrediteerde organisasie nader om ’n akkreditasie-ooreenkoms aan te gaan. Die kwalifikasie sal vervolgens by die NQA op NQF geregistreer word. Die kwalifikasie kan gesertifiseer word deur beide die vennootorganisasie (internasionale akkrediteringsliggaam) en IEB.
– [email protected]
Kommentaar
Republikein
Geen kommentaar is op hierdie artikel gelaat nie