Leerlinge, gevangenes in Oshana onder Covid-19-gevalle

Uit die 16 nuwe gevalle van Covid-19 wat in Oshana aangeteken is, was 13 van skole en 'n tronk. Vandag is 29 nuwe gevalle (2,7%) aangemeld uit die 1 066 weefselmonsters wat getoets is. Die nuwe gevalle sluit 17 mans en 12 vroue in. Die jongste is een jaar oud en die oudste 78 jaar oud.

Die nuwe gevalle is soos volg aangeteken: Oshakati 16, Rehoboth 5, Windhoek 5, Omuthiya 2, Onandjokwe 1. Volgens die adjunkminister van gesondheid en maatskaplike dienste, dr. Esther Muinjangue, het nog 15 mense herstel in die Oshanastreek herstel wat die totaal vir die land op 11 620 te staan bring.

Die aktiewe gevalle staan nou op 1 484 waarvan drie in 'n baie ernstige of kritieke toestand is. Dit sluit een baie ernstige en een kritieke geval in Khomas en een kritieke geval in Oshana in. Tot op hede is 135 335 weefselmonsters getoets, 5 675 kontakte word gemonitor en 365 mense is in kwarantyn. Die Covid-19-verwante sterftesyfer staan op 134.