Leerlingdokters 'van swakker gehalte'
Die toelatingsvereistes vir sommige mediese skole in veral Rusland en China is laer as dié vir die Universiteit van Namibië.
Henriette Lamprecht - Namibië bestee al ses jaar lank geld aan die opleiding van mediese studente in die buiteland.
Volgens mnr. Cornelius Weyulu, registrateur van die Raad vir Gesondheidsberoepe in Namibië, het vorige ondervinding met baie van die studente wat aan Oos-Europese en Chinese instellngs studeer, egter getoon hul opleiding is swak.
Beraadslaging tussen verskeie sleutelrolspelers oor die lot van Namibiese studente wat in die mediese veld in die buiteland studeer, sleep al sedert 2013 voort.
Dit sluit in die Mediese en Tandheelkunderaad, die ministerie van gesondheid en maatskaplike dienste (MoHSS), die ministerie van hoër onderwys, opleiding en vernuwing en die Finansiële Hulpfonds vir Namibiese Studente (NSFAF).
Vier van dié studente is tans in die nuus oor ‘n hofstryd met die Raad vir Gesondheidsberoepe in Namibië (HPCNA) gewikkel oor ‘n evalueringseksamen om vir internskappe in die land te kwalifiseer, wat die meerderheid buitelandse gegradueerdes nie geslaag het nie.
Volgens die HPCNA se adjunkregistrateur en uitvoerende beampte, mnr. Crispin Mafwila, het die raad die versekering van die NSFAF gekry dat die fonds strenger finansieringsvereistes het, en dat slegs diegene wat voldoen aan die toelatingsvereistes om medies en tandheelkunde in Namibië te studeer, toegelaat sal word om dié studies in Namibië en in die buiteland te onderneem.
Om toegelaat te word tot die Universiteit van Namibië (Unam) se mediese skool (SOM) is ‘n minimum van 35 punte en B-simbole vir Engels en wiskunde ‘n vereiste.
Volgens ‘n verklaring deur die HPCNA se registrateur, mnr. Cornelius Weyulu, wat deel van hofstukke vorm, blyk dit mediese skole in Europa het nie dieselfde vereistes nie.
Uit 206 mediese gegradueerdes wat hul kwalifikasies in Rusland, China en Oekraïne behaal het, het 198 (99%) volgens ‘n studie deur HPCNA nie aan die vereistes vir toelating tot Unam voldoen nie.
Vir Unam is die vereiste ‘n minimum van 25 punte in graad 12 uit vyf vakke en ten minste ‘n C in Engels om hoegenaamd tot die universiteit toegelaat te word.
“Meer as dikwels is gegradueerde leerlingdokters (wat in die buiteland studeer het) van swakker gehalte as dié wat hul opleiding in Namibië en Suid-Afrika ontvang,” het Weyulu in sy verklaring gesê. Volgens hom skiet dié gegradueerdes op meer as een gebied tekort.
Hy het voorts verwys na gevalle waar bogenoemde gegradueerdes weens hul swak opleiding nie “ernstige” werk in sale kan verrig nie.
“Hulle is nie hiervoor gekwalifiseer nie. Dit laat ‘n leemte in die werk wat gedoen moet word, met studente van ordentlike universiteite wat dubbel so hard moet werk om die leemte van onbevoegdheid van Europees- en Chinees-opgeleide gegradueerdes te vul. Dít terwyl hulle dieselfde salaris verdien.”
Verlede jaar is berig 54 gegradueerdes wat hul mediese kwalifikasies in die buiteland verwerf het, het nie die HPCNA-evalueringseksamen vir internskappe geslaag nie.
Uit die 99 gegradueerdes wat hul evalueringseksamen in September 2017 afgelê het, het 45 die groen lig vir die ministerie se mediese internskapprogram in 2018 gekry.
Vyf jaar gelede is berig sommige Namibiese studente is by universiteite in China as mediese studente aanvaar, ten spyte van die feit dat hulle minder as 10 punte in hul graad 12-eksamens behaal het.
Plaaslike medici wat met buitelandse gegradueerdes te doen gekry het en Weyulu se standpunt van swak gehalte buitelandse opleiding in hofstukke ondersteun, is dit eens dat dié gegradueerdes ‘n gebrek aan ’n basiese begrip van siektes in ‘n saal of kliniek het.
MoHSS het in 2013 met ‘n projek begin om studente vir gesondheidsverwante opleiding na Rusland, Zambië, Indië, Suid-Afrika, Tanzanië en Ghana te stuur.
Die doelwit was om ’n totaal van 750 studente te stuur, maar geen studente is vir 2017-’18 gestuur nie.
In 2017 het 661 studente onder dié program geval. Dit sluit 372 vir medies, 96 vir tandheelkunde, 104 vir aptekerswese, 21 vir fisioterapie en 19 vir radiografie in.
Die Mediese en Tandheelkunderaad het sedert 2013 verskeie kere reeds die ministeries van gesondheid en maatskaplike dienste en hoër onderwys, opleiding en vernuwing oor die hoë aantal mediese en tandheelkundestudente, plaaslik sowel as in die buiteland, gewaarsku.
Waarskuwings in dié verband is ook aan Unam se SOM en die NSFAF gerig.
Volgens die waarskuwings moet studentegetalle beheer word en opleidingsplatforms vir internskappe in die land uitbrei.
Die HPCNA se mening is voorts dat slegs dié wat goeie punte in graad 12 behaal het in die vereiste vakke vir die betrokke studierigtings deur die tesourie ondersteun moet word.
Volgens mnr. Cornelius Weyulu, registrateur van die Raad vir Gesondheidsberoepe in Namibië, het vorige ondervinding met baie van die studente wat aan Oos-Europese en Chinese instellngs studeer, egter getoon hul opleiding is swak.
Beraadslaging tussen verskeie sleutelrolspelers oor die lot van Namibiese studente wat in die mediese veld in die buiteland studeer, sleep al sedert 2013 voort.
Dit sluit in die Mediese en Tandheelkunderaad, die ministerie van gesondheid en maatskaplike dienste (MoHSS), die ministerie van hoër onderwys, opleiding en vernuwing en die Finansiële Hulpfonds vir Namibiese Studente (NSFAF).
Vier van dié studente is tans in die nuus oor ‘n hofstryd met die Raad vir Gesondheidsberoepe in Namibië (HPCNA) gewikkel oor ‘n evalueringseksamen om vir internskappe in die land te kwalifiseer, wat die meerderheid buitelandse gegradueerdes nie geslaag het nie.
Volgens die HPCNA se adjunkregistrateur en uitvoerende beampte, mnr. Crispin Mafwila, het die raad die versekering van die NSFAF gekry dat die fonds strenger finansieringsvereistes het, en dat slegs diegene wat voldoen aan die toelatingsvereistes om medies en tandheelkunde in Namibië te studeer, toegelaat sal word om dié studies in Namibië en in die buiteland te onderneem.
Om toegelaat te word tot die Universiteit van Namibië (Unam) se mediese skool (SOM) is ‘n minimum van 35 punte en B-simbole vir Engels en wiskunde ‘n vereiste.
Volgens ‘n verklaring deur die HPCNA se registrateur, mnr. Cornelius Weyulu, wat deel van hofstukke vorm, blyk dit mediese skole in Europa het nie dieselfde vereistes nie.
Uit 206 mediese gegradueerdes wat hul kwalifikasies in Rusland, China en Oekraïne behaal het, het 198 (99%) volgens ‘n studie deur HPCNA nie aan die vereistes vir toelating tot Unam voldoen nie.
Vir Unam is die vereiste ‘n minimum van 25 punte in graad 12 uit vyf vakke en ten minste ‘n C in Engels om hoegenaamd tot die universiteit toegelaat te word.
“Meer as dikwels is gegradueerde leerlingdokters (wat in die buiteland studeer het) van swakker gehalte as dié wat hul opleiding in Namibië en Suid-Afrika ontvang,” het Weyulu in sy verklaring gesê. Volgens hom skiet dié gegradueerdes op meer as een gebied tekort.
Hy het voorts verwys na gevalle waar bogenoemde gegradueerdes weens hul swak opleiding nie “ernstige” werk in sale kan verrig nie.
“Hulle is nie hiervoor gekwalifiseer nie. Dit laat ‘n leemte in die werk wat gedoen moet word, met studente van ordentlike universiteite wat dubbel so hard moet werk om die leemte van onbevoegdheid van Europees- en Chinees-opgeleide gegradueerdes te vul. Dít terwyl hulle dieselfde salaris verdien.”
Verlede jaar is berig 54 gegradueerdes wat hul mediese kwalifikasies in die buiteland verwerf het, het nie die HPCNA-evalueringseksamen vir internskappe geslaag nie.
Uit die 99 gegradueerdes wat hul evalueringseksamen in September 2017 afgelê het, het 45 die groen lig vir die ministerie se mediese internskapprogram in 2018 gekry.
Vyf jaar gelede is berig sommige Namibiese studente is by universiteite in China as mediese studente aanvaar, ten spyte van die feit dat hulle minder as 10 punte in hul graad 12-eksamens behaal het.
Plaaslike medici wat met buitelandse gegradueerdes te doen gekry het en Weyulu se standpunt van swak gehalte buitelandse opleiding in hofstukke ondersteun, is dit eens dat dié gegradueerdes ‘n gebrek aan ’n basiese begrip van siektes in ‘n saal of kliniek het.
MoHSS het in 2013 met ‘n projek begin om studente vir gesondheidsverwante opleiding na Rusland, Zambië, Indië, Suid-Afrika, Tanzanië en Ghana te stuur.
Die doelwit was om ’n totaal van 750 studente te stuur, maar geen studente is vir 2017-’18 gestuur nie.
In 2017 het 661 studente onder dié program geval. Dit sluit 372 vir medies, 96 vir tandheelkunde, 104 vir aptekerswese, 21 vir fisioterapie en 19 vir radiografie in.
Die Mediese en Tandheelkunderaad het sedert 2013 verskeie kere reeds die ministeries van gesondheid en maatskaplike dienste en hoër onderwys, opleiding en vernuwing oor die hoë aantal mediese en tandheelkundestudente, plaaslik sowel as in die buiteland, gewaarsku.
Waarskuwings in dié verband is ook aan Unam se SOM en die NSFAF gerig.
Volgens die waarskuwings moet studentegetalle beheer word en opleidingsplatforms vir internskappe in die land uitbrei.
Die HPCNA se mening is voorts dat slegs dié wat goeie punte in graad 12 behaal het in die vereiste vakke vir die betrokke studierigtings deur die tesourie ondersteun moet word.
Kommentaar
Republikein
Geen kommentaar is op hierdie artikel gelaat nie