Leen my 'n rand

MOGAMAT SALIE SABAN SKRYF:

"'Seblief, leen my 'n rand."

Dit was donkiejare gelede. Neentien honderd agt en sewentig.

Saam met die wind spring ek lewendig. Terug op pad huis toe vanaf die winkel. Met 'n Rapport en 'n melkbrood.

Toe sien ek jou. Het van nader aanskou. 'n Papiernoot blou.

My hart bons terwyl ek 'n blou tweerand vashou.

My broer vra vi' my aan my sy. "Leen vi' my 'n rand totdat ek eendag 'n tweerand optel?"

Tot vandag skuld jy my 'n rand. Ek wag vi' jou, groen papierrand. Dit is nou al twee en veertig jaar.

Mooi gedagtes sal nie stof vergaar.