Lasteraar se mond tydelik gesnoer

Tjivikua, vrou wen ronde

16 May 2019 | Howe
Denver Kisting – Die oudvisekanselier van die Namibië Universiteit van Wetenskap en Tegnologie (Nust), dr. Tjama Tjivikua, het die hoërhof oortuig om ’n man wat hom belaster het tydelik in sy spore te stuit.

Dié man, mnr. Tommy Tjaronda, het glo die tafel gedek vir Tjivikua en sy vrou, me. Neavera Tjivikua, om ’n eiendomsontwikkeling aan die buitewyke van die hoofstad te help finansier.

Vir dié beweerde hulp het hy hom beroep op beloftes van finansiële vergoeding in die vorm van kommissie.

Toe hy nie sy sin kry nie, het hy glo wyd en syd begin om allerlei lelike onwaarhede oor die Tjivikuas te verkondig.

Hy het na bewering die Tjivikuas veral in die sosiale media, maar ook elders, belaster.

Die hoërhof in Windhoek het die afgelope week ’n stokkie daarvoor gesteek.

Tjarondo het deurgaans by monde van sy prokureur, mnr. Sisa Namandje, aangevoer wat hy oor Tjivikua en sy gade beweer, is die waarheid.

Hy belaster hulle nie, het hy volgehou.

Dinsdag het die hof gelas Tjaronda moet onmiddellik ophou om lasterlike, ongegronde en onwaar stellings of bewerings op sosialemediaplatforms te publiseer.

Hiernaas het die hof hom beveel om hom nie die egpaar te bemoei met lasterlike beweringe op sy Facebook-, Twitter-, Instagram- en ander sosialemediarekeninge nie.

Dié bevel geld totdat die hof ’n finale beslissing gee in die lastergeding wat die paartjie teen Tjaronda aanhangig gemaak het.

Die hof het die sakeman ook opdrag gegee om enige en alle lasterlike materiaal wat met die Tjivikuas verband hou, van sy sosialemediaplatforms te verwyder.

Die hof sal ná afloop van die hoofgeding ’n uitspraak maak oor regskostes en wie daarvoor moet pa staan, lui Dinsdag se bevel.

In ’n stadium het Tjaronda hulle daagliks in die sosiale media belaster, het dr. Tjivikua in sy betooghoode aangedui.

Dít kom ondanks die feit dat hy wat Tjaronda is, glo geweet het hy raak onwaarhede kwyt, sê dr. Tjivikua.

Sou die hof nie die afgelope week die tussentydse bevel toegestaan het nie, sou hy en sy vrou verdere ernstige skade gely het, sê die akademikus.

AGTERGROND

Tjaronda het hom glo in ’n stadium genader en gesê hy weet van mense wat geld in die ontwikkeling kan inpomp.

Die Windhoekse stadsraad (CoW) het egter sedertdien die tender herroep en eers ná ’n groot gesukkel is dit weer aan Waterberg Investments (Pty) Ltd toegeken.

Dié maatskappy behoort aan die Tjivikua-egpaar en word ook as ’n party gelys in die geding teen Tjaronda.

Volgens die oudrektor het die omstandighede sedert Tjarondo se aanbod verander en is hulle derhalwe geen kommissie aan hom verskuldig nie.

Hy betwis dit.

Soortgelyk

 

The rose among the thorns

1 dag gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

1 dag gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

1 dag gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

1 dag gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

1 dag gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

1 dag gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

1 dag gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

1 dag gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

1 dag gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...