Lasbrief vir hoë in weermag uitgereik

'n Lasbrief is uitgereik vir 'n hooggeplaaste weermagoffisier, genl.maj. Thomas Hamunyela, nadat hy nie vir sy hofverskyning op Rundu opgedaag het nie.Hy moes op 1 November in die hof gewees het om tereg te staan op klagte kragtens die Wet op Teenkorrupsie wat onder meer bedrog en dwarsboming van die gereg insluit. 'n Lasbrief vir sy inhegtenisneming is uitreik, wat teruggehou word tot die volgende hofdatum. Die hof het die saak tot Augustus 2017 uitgestel en vir vanaf 1 tot 4 Augustus op die hofrol geplaas. Hamunyela se regsverteenwoordiger is van die nuwe hofdatum ingelig.Die Teenkorrupsie Kommissie (ACC) het onlangs sy ondersoek na Hamunyela se beweerde misbruik van weermageiendom afgehandel, waarna die kantoor van die aanklaer-generaal besluit het om hom op drie klagte te vervolg.Volgens 'n verklaring van die ACC, het Hamunyela na bewering 'n watertenk-sleepwa, tente, komberse en 'n slypmasjien van die weermag vir die bou van sy private woning in die Sivaradi-nedersetting in die Kapako-kiesafdeling, 90 km suidoos van Rundu, gebruik. Hiernewens het hy ook van die dienste van 'n soldaat gebruik gemaak om die toerusting na die nedersetting te vervoer.Hy staan nou tereg op klagte dat hy sy kantoor of posisie vir vergoeding misbruik het deur van 'n weermagvoertuig en soldaat gebruik te maak om boumateriaal na sy nedersetting te neem vir die bou van sy woning.Voorts staan hy daarop tereg dat hy probeer het om die gereg te dwarsboom deur 'n brief, gedateer Januarie 2015, te vervals waarin aangedui word dat hy toestemming gehad het om die toerusting te gebruik en by die kantoor van die ACC in te dien.Hy word ook van bedrog aangekla.

Lasbrief vir hoë in weermag uitgereik

Kommentaar

Republikein 2025-08-04

Meld asseblief aan om kommentaar te lewer

Lasbrief vir hoë in weermag uitgereik

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie